Viral Video : आमदार प्रवीण पोटेंचा झिंगाट डान्स व्हायरल, विद्यार्थ्यांसोबत धरला ठेका

>> अमर घटारे

अमरावती : अमरावती जिल्ह्याचे माजी पालकमंत्री आणि विद्यमान आमदार प्रवीण पोटे यांचा कॉलेजच्या विद्यार्थ्यांसोबतचा डान्स समोर आला आहे. या व्हिडीओ प्रवीण पोटे सगळं विसरून विद्यार्थ्यांसोबत बेभान नाचताना दिसत आहेत. त्यांचा हा झिंगाट डान्स सध्या व्हायरल होत आहे.

अमरावती येथील पी आर पोटे पाटील इन्स्टिट्युट ऑफ मॅनेजमेंट येथे सध्या वार्षिक महोत्सव सुरू आहे. याच कार्यक्राअंतर्गत काल सांस्कृतिक कार्यक्रम होता. यावेळी भाजप आमदार प्रवीण पोटे पाटील यांनी तुफान झिंगाट डान्स केला.

आमदार प्रवीण पाटील हे विद्यार्थ्यांसोबत तरुण झाल्याचं पाहायला मिळालं. हातात माईक घेत काही सूचना देत मुलांसोबत ते डान्स करताना दिसले. विद्यार्थ्यांनी टाळ्या वाजवून त्यांचं स्वागत केले. व्हिडीओ सध्या चांगलाच व्हायरल होत आहे.