Fifa World Cup 2022 : मिरज मधील एका युवकाने मिरजेतील खराब रस्त्याचा मुद्दा' चक्क फुटबॉल वर्ल्ड कपच्या ग्राउंडच्या गॅलरीत बसून उपस्थित केला. सद्या फुटबॉल वर्ल्ड कप स्पर्धा सुरू आहे. दाेहा कत्तार येथे ऑस्ट्रेलिया आणि डेन्मार्क सामन्यावेळी इम्तियाज पैलवान या युवकाने मिरजेतील खराब रस्त्या बाबत पोस्टर दाखवत रस्त्यांची समस्या मांडली. त्याचा व्हिडीओ समाज माध्यमांवर (social media) मोठ्या प्रमाणात व्हायरल (viral) होत आहे.
मिरजेतील अमननगर येथील इम्तियाज पैलवान हा कतार या ठिकाणी खाजगी नोकरी करत आहे. तो ऑस्ट्रेलिया आणि डेन्मार्क यांच्यातील फुटबॉल सामना बघण्यासाठी गेला हाेता. हा सामना पाहताना त्याने मिरजेतील खराब रस्त्याच्या मुददा फूटबॉल ग्राउंडच्या गॅलरीत बसून उपस्थित केला.
I LOVE MIRAJ मला अभिमान आहे. मिरज शहराचा " काही राजकीय पुढाऱ्यांच्या नाकर्तेपणामुळे मिरजेतील रस्ते होत नाही आहेत. मिरजेतील रस्ते कधी होणार ? अश्या आशयाचा मजकूर असलेले पोस्टर दाखवत इम्तियाजने मिरजेतील खराब रस्त्यांच्या समस्येची वाचा फोडली..
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.