नंदुरबार मध्ये राष्ट्रवादीकडून शिवरायांच्या पुतळ्यास दुग्धाभिषेक

नंदुरबार : कर्नाटक राज्यातील बेळगाव येथे छत्रपती शिवाजी महाराजांच्या पुतळ्याची काही समाज कंटकांनी विटंबना केली. या घटनेचा सर्व स्तरातून निषेध नोंदविण्यात येत आहे. नंदुरबार जिल्हा राष्ट्रवादी युवक काँग्रेसचे पदाधिकारी तसेच शिवप्रेमींच्या वतीने नंदुरबार जिल्ह्यातील सर्वच तालुक्यांमध्ये या घटनेचा निषेध करून छत्रपती शिवाजी महाराजांच्या पुतळ्याला पुष्पहार अर्पण करून शतशः नमन करून दुग्धाभिषेक करण्यात आला.

हे देखील पहा :

नंदुरबार शहरातील जुन्या नगरपालिकेतील छत्रपती शिवाजी महाराजांच्या पुतळ्याला पदाधिकार्‍यांच्या वतीने पुष्पहार अर्पण करण्यात आला. तर, शहादा तालुक्यात राष्ट्रवादीच्या पदाधिकाऱ्यांकडून छत्रपती शिवाजी महाराजांच्या पुतळ्याला नमन करून दुग्धाभिषेक करण्यात आला. यावेळी मोठ्या संख्येने राष्ट्रवादी काँग्रेस पार्टीचे पदाधिकारी व शिवप्रेमी उपस्थित होते.

यावेळी छत्रपती शिवाजी महाराजांचा मोठा जयघोष करण्यात आला. यावेळी राष्ट्रवादीचे जिल्हाध्यक्ष डॉ. अभिजीत दादा मोरे, युवा नेते ऍड राहु भाऊ मोरे, जिल्हा सरचिटणीस व संघटक जितेंद्र कोकणी, शहराध्यक्ष नितीन जगताप, युवक शहराध्यक्ष लल्ला पैलवान मराठे, युवक राष्ट्रवादीचे सुरेश वळवी, कल्लू पैलवान, प्रमोद महाजन, राजा ठाकरे, निलेश चौधरी यांच्यासह असंख्य शिवप्रेमी उपस्थित होते.

Edited By : Krushnarav Sathe