Lonavala News: चोरटे आणि स्थानिकांमध्ये चकमक; सर्व प्रकार सीसीटीव्हीमध्ये कैद

मावळ : लोणावळ्यातील हुडको कॉलनीमध्ये तीन दरोडेखोरांनी एका घरात चोरी करण्याचा केलेला प्रयत्न स्थानिक नागरिकांच्या सतर्कतेमुळे (Crime News) फसला. या दरम्यान चोरटे आणि स्थानिकांमध्ये उडालेल्या चकमकीत काही स्थानिक युवक किरकोळ जखमी झाले. (Tajya Batmya)

लोणावळा (Lonavala) शहर पोलिसांनी तीन अज्ञात चोरट्यांच्या विरोधात गुन्हा दाखल केला आहे. पोलिसांनी दिलेल्या माहितीनुसार तीन अज्ञात चोरट्यांनी घराचा दरवाजा तोडून घरात प्रवेश केला. घरातील साहित्य विस्कटून घरामध्ये चोरी (Theft) करण्याचा प्रयत्न केला. चोरटे सदर घरात चोरीच्या उद्देशाने शिरत असल्याची चाहूल शेजारच्या घरातील लोकांना लागल्यानं त्यांनी आजूबाजूच्या काही जणांना फोनवरून याची कल्पना दिली.

युवक व चोरट्यांमध्‍ये दगडफेक

त्यानंतर काही युवक घराबाहेर येऊन ज्या घरात चोर घुसले होते; तिकडे जात असतांनाच चोर घराबाहेर पडले. यात दोन्ही बाजूंनी दगडफेक झाली. मात्र चोरट्यांनी त्यांच्या हातात असलेल्या कॅटीमधून मारलेल्या गोट्यांमुळे दोन युवक किरकोळ जखमी झाले. अधिक तपास लोणावळा पोलिस करीत आहे.