नागपूर : एल ॲण्ड टी लॉजिस्टीक पार्कला भीषण आग, अग्निशमन दलाच्या 3 गाड्या दाखल

- पराग ढाेबळे

Nagpur :

नागपूर येथील चौदा मैल परिसरातील एल ॲण्ड टी लॉजिस्टीक पार्क (L&T Logistic Park Nagpur) येथे आज (गुरुवार) भीषण आग लागली. काही क्षणांतच आग भडकल्याने लॉजिस्टीक पार्क परिसरातून धूराचे लाेट दूरवरुन दिसू लागले. या आगीची माहिती अग्निशमन विभागास देण्यात आल्यानंतर तीन पाण्याचे टॅंकर घटनास्थळी पाेहचले. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

अग्निशमन पथकाने आगीवर नियंत्रण मिळविण्यासाठी प्रयत्न सुरू केले. या आगीमुळे लॉजिस्टीक पार्कचे संपूर्ण पत्र्याचे शेड दबले गेले. यामुळे अग्निशमनच्या पथकाला पाण्याचा फवारा मारताना अडचणी येत आहेत.

या आगीच्या धूराच्या लाेटामुळे परिसरातील तसेच रस्त्यावरील नागरिकांनी एल ॲण्ड टी लॉजिस्टीक पार्ककडे धाव घेतली. ही आग विझविण्यासाठी अग्निशमन पथकाचे शर्थीचे प्रयत्न सुरु आहेत. या आगीत लाखाेंचे नुकसान झाल्याची प्राथमिक उपलब्ध झाली आहे. या आगीचे कारण मात्र अस्पष्ट आहे.

Edited By : Siddharth Latkar