मराठवाडा मुक्तीसंग्राम दिन; धनंजय मुंडेंनी केलं हुतात्म्यांना अभिवादन

विनोद जिरे

बीड : बीडमध्ये मराठवाडा मुक्ती संग्राम दिन मोठ्या उत्साहात संपन्न झाला आहे. यावेळी पालकमंत्री धनंजय मुंडे यांनी शहरातील राजीव गांधी चौक परिसरात असणाऱ्या, हुतात्मा स्मारकाला मानवंदना देत पुष्पचक्र अर्पण करून, आदरांजली वाहिली आहे. त्याचबरोबर पोलीस मुख्यालय या ठिकाणी मुख्य शासकीय ध्वजारोहण देखील पालकमंत्री धनंजय मुंडेंच्या हस्ते संपन्न झाले.

हे देखील पहा-

दरम्यान यावेळी पोलीस प्रशासनाच्या वतीने हुतात्म्यांना ३ राऊंड फैरी झाडत मानवंदना देण्यात आली. दरम्यान यावेळी आमदार संदीप क्षीरसागर, आमदार संजय दौंड, जिल्हाधिकारी राधाबीनोद शर्मा, जिल्हा परिषद मुख्य कार्यकारी अधिकारी अजित पवार यांनी देखील पुष्पचक्र अर्पण करून हुतात्म्यांना आदरांजली वाहिली आहे.

यावेळी स्वातंत्र्यसैनिकांसह विविध मान्यवर आणि नागरिक उपस्थित होते. दरम्यान अतिवृष्टीने नुकसान झालेल्या, शेतकऱ्यांच्या पाठीशी महाविकास आघाडी सरकार खंबीरपणे उभे आहे. तसेच पीकविमा कंपनीला पीकविमा द्या. असे ठासून सांगू, अशी प्रतिक्रिया धनंजय मुंडे यांनी मीडियाशी बोलतांना दिली आहे.

Edited By- Digambar Jadhav