Maratha Aarakshan : शिंदे सरकारमधील मंत्री मराठा आरक्षणाच्या बैठकीत, त्यांची पत्नी मात्र रास्तारोको आंदोलनात

सचिन बनसोडे

Maratha Reservation :

मराठा आरक्षणाच्या मागणीसाठी सर्वसामन्य जनता रस्त्यावर उतरली आहे. मराठा आरक्षणासाठी मराठा बांधव आता आक्रमक झाले आहेत. राज्यात ठिकाठिकाणी आज आंदोलने निघाली आहेत. अनेक राजकीय पदाधिकाऱ्यांनी मराठा आरक्षणासाठी राजीनामा दिला आहे.

दुसरीकडे राज्याचे महसूलमंत्री राधाकृष्ण विखे पाटील मंत्रिमंडळ उपसमितीच्या बैठकीला उपस्थित आहेत. तर त्यांच्या पत्नी रास्तारोको आंदोलनात सहभागी झाल्या आहेत. राधाकृष्ण विखे पाटील यांच्या लोणी गावात कडकडीत बंद आज पाळण्यात आला आहे. तसेच रास्ता रोको देखील करण्यात आला आहे.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

महसूलमंत्री विखे पाटील यांच्या पत्नी शालिनी विखे पाटील या देखील या आंदोलनात सहभागी झाल्या आहेत. लोणी गावासह परिसर कडकडीत बंद ठेऊन आरक्षण मागणीला पाठिंबा दर्शवण्यात आला आहे.

'मंत्र्यांना बाहेर पडू देणार नाही'

मराठा आरक्षणासंदर्भात मुंबईत उपसमितीच्या बैठकीत निर्णय घ्या, अन्यथा मंत्र्यांना घराबाहेर पडू देणार नाही, असा इशारा मराठा क्रांती मोर्चाचे राज्य समन्वयक धनाजी साखळकर यांनी दिला आहे. राज्य सरकारने बैठकांचा फार्स न करता मराठा आरक्षणाचा प्रश्न सोडवावा, अन्यथा एकाही मंत्र्याला घराबाहेर पडू देणार नाही, असे साखळकर म्हणाले.