Manoj jarange Patil: आरक्षण दिल्याशिवाय सुट्टी नाही; आता २९ ऑगस्टला फाईटच, मनोज जरांगे कडाडले

समाजाला गर्व वाटेल असं काम तुम्ही करत आहात. तुम्ही ऊन-पाऊस पाहात नाही. तुमच्यासाठी हा मुलगा मरायला सुद्धा मागे हटणार नाही. फक्त बीडचे रुप पाहून सरकार भीती वाटू लगालीय. आता २९ ऑगस्टला फाईटच , आरक्षणाचा तुकडा पाडणार असल्याचं मनोज जरांगे पाटील म्हणालेत.

मनोज जरांगे पाटील आरक्षणाच्या मागण्यांसाठी मुंबईत आंदोलन करणार आहेत. येत्या २९ ऑगस्ट रोजी जरांगे पाटील आपल्या लाखो मराठा बांधवांसह मुंबईच्या आझाद मैदानात आंदोलन करणार आहेत. त्यांच्या आंदोलनाची पुन्हा एकदा महाराष्ट्रभर चर्चा चालू झाली आहे. आज मनोज जरांगे यांनी आंदोलनाच्या पार्श्वभूमीवर आढावा बैठक घेतली. बीडमध्ये बोलताना त्यांनी 29 ऑगस्टच्या मोर्चाबाबत भाष्य केलं. जरांगे यांनी मराठा बांधवांना संबोधित करताना राज्य सरकारला इशारा दिला. यासह त्यांनी मुख्यमंत्री देवेंद्र फडणवीस यांच्यावर सडकून टीका केली.

देवेंद्र फडणवीस यांना मराठ्यांविषयी खुन्नस आहे, अशी घणाघाती टीकाही यावेळी जरांगे यांनी केली. फडणवीसांना मराठ्यांना डिवचू नये. आता जर मराठा सामजाच्या मुलाला डिवचून दाखवलं तर मराठा समाज काय आहे, ते तुम्हाला दाखवतो,असं जरांगे पाटील म्हणालेत. सरकाला इशारा देतांना जरांगे म्हणाले, सत्ता येत असते जात असते. आपण खुन्नसी असून माझ्या डोक्यात कोणी गेला तर त्याचा कार्यक्रमच करतो, असा इशारा त्यांनी डीजे वाजवण्यावरून सरकारला इशारा दिलाय.

पोलिसांनी डीजेला बंदी घातली होती त्यावरून बोलताना जरांगे पाटील पोलीस यंत्रणेवर कडाडले. फडणवीस यांनी डीजे बंद करायला लावला आणि तुम्ही डीजे बंद करत आहात, आम्ही ऐकलं नसते तर तु्म्ही आमच्यावर लाठीचार्ज केला असता. तुम्ही या भानगडीत पडू नका. तुम्ही आमचेच मुलं आणि आम्ही तुमचे. त्यामुळे यात तुम्ही पडू नका. कारण सत्ता बदलणार आहे. त्यावेळी आम्ही नाव लक्षात ठेवू. पण देवेंद्र फडणवीस यांचे ऐकायचं आणि काहीतरी कुरापत काढायची. मी मुंबईत येत आहे, तर आपण समोरासमोर भेटू. तुमच्या घरासमोरच येणार आहे, उगाच डीएएसपीचं वाटोळ करून , इशारा त्यांनी फडणवीस यांना दिलाय.