भरत मोहळकर, साम टीव्ही, प्रतिनिधी
मनोज जरांगे पाटलांनी सगे-सोयऱ्यांच्या जीआरच्या अंमलबजावणीसाठी सुरु केलेलं उपोषण सरकारच्या आश्वासनानंतर मागे घेतलं खरं, मात्र उपोषण स्थगित करताना जरांगे पाटलांनी खळबळजनक गौप्यस्फोट केलाय. मराठा आंदोलनाच्या नावाखाली काही जणांनी तब्बल 100 कोटी रुपये उकळल्याचा आरोप जरांगेंनी केलाय.
मनोज जरंगे पाटील म्हणाले आहेत की, ''या आंदोलनाचा फायदा घेत माझं नाव सांगून कोणी कामे घेतली असतील, पैसे घेतले असतील, तर त्याची मला यादी द्या.''
लोकसभा निवडणूकीनंतर मनोज जरांगे पाटलांनी पुन्हा उपोषणाचं अस्त्र उगारलं होतं. त्यामुळे सरकारने नरमाईची भूमिका घेतली. तर अखेर सहाव्या दिवशी राज्य उत्पादन शुल्क मंत्री शंभुराज देसाईंच्या शिष्टमंडळाची शिष्टाई यशस्वी ठरली आणि 1 महिन्याच्या मुदतीवर मनोज जरांगे पाटलांनी आपलं उपोषण मागे घेतलं.
मात्र यावेळी मनोज जरांगे पाटलांनी आपलं नाव घेऊन कुणी मराठा समाजाच्या नावाने सरकारकडून काम किंवा पैसे घेतले असतील तर त्याची यादी देण्याची मागणीही जरांगेंनी केलीय. त्यामुळे सरकार या प्रकरणाची चौकशी करून दूध का दूध आणि पानी का पानी करणार का? हे पाहणं महत्वाचं ठरणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.