Manoj Jarange Patil: धनगर बांधवांनो! आत्महत्या करू नका, मुंडक्यावर पाय देऊन आरक्षण घेऊ;मनोज जरांगेंचा इशारा

मराठा आरक्षणानंतर मनोज जरांगे पाटील आता धनगर आरक्षणासाठी मैदानात उतरले आहेत. धनगर समाजाला आरक्षण देण्याची मागणी करताना त्यांनी सरकार गंभीर इशारा दिलाय. तसेच आरक्षणासाठी जीव देणाऱ्या धनगर बांधवांना त्यांनी आत्महत्या न करण्याचं आवाहन केलंय.

माझी सगळ्या धनगर बांधवांना विनंती आहे, यांच्या बापाला एसटीतून आरक्षण द्यावे लागणार आहे, आत्महत्या करू नका. सरकारच्या मुंडक्यावर पाय देऊन आरक्षण घेऊ, अशा इशारा मनोज जरांगे पाटील यांनी दिलाय.

धनगर आरक्षणाची मागणी करताना मनोज जरांगे यांनी धनगर बांधवांना आवाहन केले आहे. धनगर बांधवांनी आत्महत्या करू नये. धनगर समजाच्या आरक्षणासाठी आपण त्यांच्यासाठी पाठिशी आहोत. मी तोंडापूरत बोलत नाही मी राजकारणी नाही, सरकारच्या मुडक्यावर पाय देऊन आपण आरक्षण घेऊ, असा इशाराच मनोज जरांगे पाटील यांनी यावेळी दिलाय.

मराठा समाजाला ओबीसीतून आरक्षण मिळालं तर धनगर आरक्षणाला धक्का लागणार असल्याची शक्यता वर्तवली जात आहे. त्यावर बोलतांना जरांगे पाटील म्हणाले, मराठा जरी ओबीसीत आला तरी आमच्या आरक्षणामुळे तुमच्या आरक्षणाला धक्का लागत नाही. धनगर बांधवांनी टोकाचं पाऊल उचलू नये, मराठा समाज तुमच्यासोबत आहे,असं आवाहनही जरांगेंनी केलंय.