Waghdardi Dam Water Level : मनमाडकरांवर पाणीसंकट, वागदर्डी धरणाने गाठला तळ

- अजय साेनावणे

Manmad News : नाशिकच्या मनमाड शहरावर पाणी टंचाईचे संकट उभे ठाकले आहे. शहराला पाणी पुरवठा करणा-या वागदर्डी धरणाने तळ गाठला आहे. त्यामुळे शहराला ऐन पावसाळ्यात २२ दिवसांनी पाणी पुरवठा करण्यात येत आहे. (Maharashtra News)

नाशिक जिल्ह्याच्या पुर्व भागात अद्याप जोरदार पाऊस झालेला नाही. त्यामुळे यंदा दुष्काळी परिस्थिती निर्माण होण्याची शक्यता निर्माण झाली आहे. दमदार पाऊस न झाल्यास पाणी टंचाई अधिक गडद होण्याची भिती व्यक्त करण्यात येत आहे.

वागदर्डी धरणात सध्या 10 ते 12 दश लक्ष घनफुट इतका पाणीसाठा आहे. सुमारे 5 ते 6 दश लक्ष घनफुट झाल्यावर तो मृत साठा म्हणून धरण्यात येतो. त्यामुळे शिल्लक पाणी 30 ऑगस्ट पर्यंत पुरेल अशी स्थिती आहेत.

दरम्यान पालखेड धरण समूहातून मिळणा-या पुढील आवर्तनावर आता मनमाडकरांना अवलंबून राहावे लागणार आहे.

Edited By : Siddharth Latkar