रस्ते नीट करा अन्यथा...; नाशिक पालिका आयुक्तांचा ठेकेदारांना अल्टिमेटम

अभिजित सोनावणे

नाशिक: शहरातील अनेक भागात सध्या रस्त्यांची काम सुरू असून या रस्त्यांची कामे चांगल्या दर्जाची आणि गुणवत्तापूर्ण करा अन्यथा जेलमध्ये जाण्याची तयारी ठेवा, असा थेट इशारा महापालिका आयुक्तांनी ठेकेदारांना दिलाय. (Nashik News)

दरवर्षी, शहरातील रस्त्यांच्या कामांवर महापालिकेचा कोट्यावधींचा खर्च होतो. डांबराचे किरकोळ थर टाकून रस्ते करायचे आणि पुन्हा वर्ष दोन वर्षात रस्ते खराब झाल्याचं दाखवत अस्तरीकरणाच्या नावाखाली डांबराचा मुलामा देण्याच्या नावाखाली कोट्यावधींचा खर्च, त्यात रस्त्यांवरील खड्डे बुजवण्यासाठी वेगळा खर्च केला जातो. ठेकेदार, नगरसेवक आणि काही अधिकाऱ्यांच्या मिलीजुलीमुळे या माध्यमातून दरवर्षी कोट्यवधी पैसे उकळले जातात, असा आरोप नेहमीचं केला जातो.

हे देखील पाहा-

मात्र, आता रस्त्यांचा दर्जा, भुयारी आणि पावसाळी गटारींची कामं, झेब्रा क्रॉसिंग, पांढरे पट्टे मारणे अशी सर्व कामं ही गुणवत्तापूर्ण आणि मानकाप्रमाणे उच्च दर्जाची झाली पाहिजेत, अन्यथा मुंबईप्रमाणेच जेलमध्ये जाण्याची तयारी ठेवा, अशा इशाराच पालिका आयुक्तांनी दिलाय.