अजित पवार यांची राष्ट्रवादी तिसरी आघाडी उभारण्याबाबत चाचपणी करत असल्याची माहिती सूत्रांनी दिलीय. वंचित बहुजन आघाडी, बच्चू कडू आणि इतर छोट्या पक्षांसोबत घेऊन अजित पवार नवी आघाडी उभारण्याच्या तयारीत असल्याचं सांगितलं जातंय. आगामी विधानसभा निवडणुकीत अजित पवारांना सोबत घेतल्यास लोकसभेसारखा फटका बसण्याची शक्यता आहे. त्यामुळे भाजपनं अजित पवारांसोबत तिसरी आघाडी उभारण्याचा पर्याय ठेवल्याची माहिती सूत्रांनी दिलीय.
वंचित आणि एमआयएमसारख्या पक्षांसोबत तिसरी आघाडी उभी साहिल्यास याचा फटका थेट मविआला बसू शकतो. त्यामुळे भाजपनं आता सत्तेची समीकरणं जुळवण्यासाठी अजित पवारांचा वेगळ्या पद्धतीनं वापर करण्याची तयारी केल्याची चर्चा सुरू आहे.
सुत्रांनी दिलेल्या माहितीनुसार,छगन भुजबळांकडून शरद पवारांना तिसऱ्या आघाडीचा पर्याय दिलाय. अजित पवारांच्या राष्ट्रवादीला सोबत घेऊ नये, भाजप नेत्यांचा सूर असल्याने ही चर्चा सुरू झालीय. आगामी विधानसभा निवडणुकीत अजित पवारांना सोबत घेतल्यास महायुतीला फटका बसेल, असं म्हटलं जात आहे. महायुतीतील या सगळ्या विरोधानंतर अजित पवारांच्या राष्ट्रवादीकडून तिसऱ्या आघाडीचा पर्याय देण्याची तयारी सुरू केल्याचं म्हटलं जात आहे. तिसऱ्या आघाडीत अजित पवार यांची राष्ट्रवादी, वंचित, एमआयएम आणि इतर छोटे पक्ष यांना एकत्र करून विधानसभा लढणार असल्याची माहिती सूत्रांनी दिलीय.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.