राज्याच्या राजकारणात भूकंप होणार? मुंडे, कोकाटेंनंतर आणखी एक मंत्री राजीनामा देणार?

धनंजय मुंडे, माणिकराव कोकाटे यांच्यानंतर आता अन्न व औषध प्रशासन मंत्री नरहरी झिरवळ यांची विकेट जाण्याची चर्चा रंगलीय... आणि त्याला कारण ठरलंय... मंत्रालयात लाचलुचपत विभागानं छापेमारी करुन नरहरी झिरवळांच्या कार्यालयातील क्लर्कला रंगेहात पकडल्याचं प्रकरण... या प्रकरणी आता नवा ट्विस्ट आलाय.. राजू ढेरिंगे मंत्रालयातच 50 हजार रुपयांची लाच मागतानाच व्हिडीओ समोर आलाय..

आता हा व्हिडीओ समोर आल्यानंतर अन्न व औषध प्रशासन मंत्री नरहरी झिरवळ यांच्या अडचणीत वाढ झाली होती... एवढंच नाही तर तक्रारदार हरीराम घाणशींना सोबत घेत एसीबीनं चौकशीचा फास आवळायला सुरुवात केलीय.. एसीबीनं मंत्रालयातील अन्न व औषध प्रशासन विभागात तक्रारदारालाही सोबत घेऊन सखोल चौकशी केलीय.. एवढंच नाही तर मंत्रालयातील महत्वाची कागदपत्रं आणि वस्तूही ताब्यात घेतल्या आहेत... तर दुसरीकडे अन्न व औषध प्रशासन मंत्री झिरवळांचे खासगी सचिव रामदास गाडेंना पदावरुन कार्यमुक्त करण्यात आलंय.. त्यामुळे या प्रकऱणाचे धागेदोरे आणखी कुठपर्यंत जाताहेत... याचाच तपास सुरु झालाय... याच चौकशीदरम्यान मंत्रालयातील लाचखोरीचं रेटकार्डही समोर आलंय... फाईलवर एक लाईन म्हणजे 50 हजार आणि 2 लाईन म्हणजे एक लाख रुपयांच्या लाचेचं रेटकार्डही साम टीव्हीच्या हाती लागलं... त्यामुळे अन्न व औषध प्रशासन मंत्री झिरवळांच्या मंत्रिपदावर टांगती तलवार आहे....

याआधी सरपंच संतोष देशमुख हत्या प्रकरणी कराड कनेक्शन समोर आल्यानं धनंजय मुंडेंना राजीनामा द्यावा लागला होता.. त्यानंतर नाशिकमध्ये बोगस कागदपत्रांच्या माध्यमातून घरं लाटल्याप्रकरणी न्यायालयाने दोषी ठरवल्यानं माणिकराव कोकाटेंचं मंत्रिपद गेलं.. तर आता अर्थसंकल्पीय अधिवेशनाच्या तोंडावर मंत्रालयात लाचखोरीचा प्रकार समोर आल्यानं झिरवळांचं मंत्रिपद जाण्याची शक्यता वर्तवली जातेय..

त्यामुळेच महायुतीची सत्ता स्थापन झाल्यानंतर वर्षभरातच दादांच्या राष्ट्रवादीची तिसरी विकेट पडण्याची चर्चा आहे... मात्र मुंडे, कोकाटे यांच्यानंतर सुनेत्रा पवार आता झिरवळांना अभय देणार की अर्थसंकल्पीय अधिवेशनाच्या तोंडावर विरोधकांना निशस्त्र कऱण्यासाठी मुख्यमंत्री झिरवळांची विकेट घेणार... याकडे राज्याचं लक्ष लागलंय..