Maharashtra Weather Update: मुंबईसह राज्यात आज कसा असेल पाऊस?, हवामान खात्याने दिली महत्वाची अपडेट

Mumbai Rain Update: राज्यात पुढील चार दिवस पावसाची उघडीप अशीच सुरुच राहिल, असा अंदाज हवामान खात्याने वर्तवला आहे.
Maharashtra Weather Updates IMD Rain Alert Latest News
Maharashtra Weather Updates IMD Rain Alert Latest News Saam TV

IMD Alert For Maharashtra: राज्यासह देशामध्ये सध्या पावसाने (Maharashtra Rain) विश्रांती घेतल्याचे चित्र पाहायला मिळत आहे. पावसाने दडी मारल्यामुळे राज्यातील बळीराजा चिंतेत आला आहे. भारतीय हवामान खात्याने (Meteorological Department) ऑगस्ट महिन्यामध्ये पावसाचा जोर कमी होईल अशी शक्यता वर्तवली होती. अशामध्ये पुणे हवामान खात्याने (Pune Meteorological Department) राज्यातील पावसाबाबत महत्वाची माहिती दिली आहे. राज्यात पुढील चार दिवस पावसाची उघडीप अशीच सुरुच राहिल, असा अंदाज हवामान खात्याने वर्तवला आहे.

Maharashtra Weather Updates IMD Rain Alert Latest News
Sambhaji Bhide News: संभाजी भिडेंच्या अडचणी वाढल्या, मुंबई हायकोर्टात याचिका दाखल; महात्मा गांधींबद्दल केलं होतं वादग्रस्त वक्तव्य

हवामान खात्याने दिलेल्या माहितीनुसार, राज्यात पुढील चार दिवस पावसाची उघडीप अशीच सुरु राहिल. कोकण किनारपट्टी, घाटमाथा आणि विदर्भातील काही ठिकाणांचा अपवाद वगळता पावसाची उघडीप राहण्याचा अंदाज हवामान विभागाने वर्तविला आहे. घाटमाथा आणि विदर्भातील काही ठिकाणी हलक्या पावसाचा अंदाज आहे. तर, किनारपट्टीवर सोसाट्याचा वारा वाहून काही ठिकाणी हलका पाऊस पडण्याची शक्यता आहे. दरम्यान, हवामान विभगाकडून पुढील चार दिवस राज्यात पावसाबाबत कोणत्याही प्रकारचा इशारा देण्यात आलेला नाही.

Maharashtra Weather Updates IMD Rain Alert Latest News
Matoshree bungalow News: उद्धव ठाकरेंच्या मातोश्री बंगल्यात आढळला 'कोब्रा' जातीचा विषारी साप; कर्मचाऱ्यांची धावपळ

भारतीय हवामान विभागाच्या अंदाजानुसार, ऑगस्टच्या पहिल्या आठवड्यापासून पावसाचा जोर ओसरताना दिसत आहे. झारखंड, उत्तर प्रदेश, मध्य प्रदेश, छत्तीसगड, ओडिशा, पश्चिम बंगाल आणि नागलँड ही राज्ये वगळता उर्वरित राज्यांत पावसाचा जोर कमी झाला आहे. महाराष्ट्रात गेल्या ३ ते ४ दिवसांपासून पावसाचा जोर कमी झाला आहे. राज्यातील जवळपास सर्वच जिल्ह्यांमध्ये पावसाने विश्रांती घेतल्याचे चित्र पाहायला मिळत आहे. तसंच येत्या ३ ते ४ दिवसांत राज्यात हलका ते मध्यम स्वरुपाचा पाऊस पडले असे देखील हवामान विभागाने सांगितले आहे.

Maharashtra Weather Updates IMD Rain Alert Latest News
Gadchiroli News: सुरजागड लोहखाणीत मोठी दुर्घटना! उत्खनन करणारे वाहन कोसळले; अभियंत्यासह तिघांचा मृत्यू

महत्वाचे म्हणजे, राज्यात पुढील 4 दिवस कुठल्याही जिल्ह्याला रेड, ऑरेंज किंवा यलो अलर्ट देण्यात आलेला नाही. त्याचसोबत मुंबईमध्ये पुढचे ४ ते ५ दिवस जोरदार पाऊस पडण्याची शक्यता नाही. मुंबईत येत्या ४ ते ५ दिवसांमध्ये हलका ते मध्यम स्वरुपाचा पाऊस असेल असा देखील अंदाज हवामान खात्याकडून वर्तवण्यात आला आहे. कोकणामध्ये १० ऑगस्टपर्यंत मध्यम स्वरुपाचा पाऊस पडेल असं हवामान खात्याकडून सांगण्यात आले आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com