MSRTC News: महिलांसाठी गुडन्यूज! आजपासून बस प्रवासात 50 टक्के सवलत; शासनाकडून आदेश जारी

Mahila Sanman Yojana: महिला सन्मान योजनेची घोषणा अर्थसंकल्पात केली होती. मात्र त्याचा अध्यादेश अद्याप निघाला नव्हता.
ST Bus
ST BusSaam Tv

ST Travel Discount For Womans: राज्याचा अर्थसंकल्प काही दिवसांपूर्वी सादर झाला होता. यावेळी अर्थमंत्री देवेंद्र फडणवीस यांनी अनेक घोषणा केल्या होत्या. ज्यामध्ये महिलांसाठी अनेक योजना राबवणार असल्याचे सांगितले होते. यामध्ये एसटीमधून प्रवास (ST News) करणाऱ्या महिलांना प्रवास तिकिट दरात 50 टक्के सवलत देणार असल्याचे जाहीर केले होते.

मात्र त्याचा अध्यादेश अद्याप निघाला नव्हता. या बद्दलची एक महत्वाची बातमी आता समोर येत असून अखेर या आदेशाचा जीआर (GR) निघाला आहे. शुक्रवारपासून (17 मार्च) एसटी महामंडळाच्या बसमधून प्रवास करणाऱ्या महिलांना तिकीट दरात 50 टक्के सवलत देण्यात येईल. तसेच या योजनेला महिला सन्मान योजना म्हणून ओळखले जाणार आहे. (Latest Marathi News)

ST Bus
Crime News: खळबळजनक! मामाच्या गावी आलेल्या अल्पवयीन मुलीला पळवले; अज्ञाताविरोधात गुन्हा दाखल

याबाबत अधिक माहिती अशी की, एसटी प्रवासातील सवलतीबाबत शासनाने घोषणा 9 मार्चला केली तरी त्याची अंमलबजावणी करण्यासाठी शासन आदेशाची (GR) आवश्यकता असते. शासन आदेशाशिवाय कोणत्याही घोषणेवर अंमलबजावणी होत नाही. उपमुख्यमंत्री आणि अर्थमंत्री देवेंद्र फडणवीस यांनी राज्यातील सर्व महिलांना एसटी महामंडळामधे सरसकट 50 टक्के तिकीट दरामधे सवलत जाहीर केली. परंतु, या आदेशाच्या अंमलबजावणीसाठी जीआर निघाला नव्हता.

ST Bus
Mumbai-Pune Expressway : मुंबई-पुणे एक्सप्रेस वेवर भीषण अपघात; भरधाव कारची ट्रकला धडक, 3 जणांचा जागीच मृत्यू

महाराष्ट्र राज्य मार्ग परिवहन महामंडळाकडून (MSRTC) राज्यातील प्रवाशांसाठी याआधीच सवलत जाहीर करण्यात आली आहे. जवळपास 30 प्रकारच्या सवलती राज्य सरकारकडून देण्यात येतात. या सवलतीची शुल्क प्रतिपूर्ती राज्य सरकारकडून महामंडळाला करण्यात येते. राज्य परिवहन महामंडळांकडून 30 विविध सामाजिक घटकांना प्रवासी भाड्यात सवलती देण्यात येत आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com