Schools Closed tomorrow in Palghar due to Heavy Rain : पालघर जिल्ह्यातील शाळांना उद्याही सुट्टी जाहीर, जिल्हाधिकाऱ्यांची घोषणा

Palghar News : पालघर जिल्ह्यातील शाळांना उद्याची सुट्टी देण्यात आली आहे. जिल्ह्यातील सुरू असलेल्या मुसळधार पावसामुळे तसेच प्रादेशिक हवामान विभाग मुंबई यांनी दिलेल्या माहितीनुसार दिनांक 22 जुले रोजीपर्यंत पालघर जिल्ह्याला अतिमुसळधार पावसाचा इशारा दिला आहे.

अतिवृष्टीच्या पार्श्वभूमीवर पालघर जिल्ह्यातील सर्व माध्यमांच्या शाळा व महाविद्यालये यांना दिनांक उद्या 21 जुलै रोजी जिल्हाधिकारी गोविंद बोडके यांनी सुट्टी जाहीर केली आहे. ( Rain News)

पालघर जिल्ह्यातील सर्व अंगणवाडी सर्व सरकारी व खाजगी शाळा, जिल्हा परिषद शाळा, नगरपालिका व महानगरपालिका शाळा अनुदानित व विनाअनुदानित शाळा, सर्व आश्रमशाळा, निवासी आश्रमशाळा, सर्व महाविद्यालये व आयुक्त व्यवसाय व प्रशिक्षण केंद्रे यांच्या आस्थापनेवरील शैक्षणिक संस्था यांना जिल्हाधिकाऱ्यांनी सुट्टी जाहीर केली आहे.

हवामान विभागाचा अंदाज

हवामान विभागाच्या अंदाजानुसार जिल्ह्यात शुक्रवारी देखील मुसळधार पाऊस कोसळण्याची शक्यता व्यक्त करण्यात आली आहे. पालघरमध्ये शुक्रवारी रेड अलर्ट जाहीर केला आहे.  (Maharashtra News)

मुंबई-अहमदाबाद महामार्गावर पाणी साचलं

मुंबई-अहमदाबाद महामार्ग रस्त्यांना आज नदीचे स्वरूप आले होते. सकाळपासून पडत असलेल्या  पावसामुळे महामार्गावर वाहतूक कोंडी निर्माण झाली होती.