Konkan Railway disrupted : मुसळधार पावसामुळे कोकण रेल्वेची वाहतूक विस्कळीत, अनेक गाड्यात रेल्वे स्थानकांत थांबल्या

विनायक वंजारे

Sindhudurg News : सिंधुदुर्ग जिल्ह्यात गेल्या तीन तासांपासून मुसळधार पाऊस सुरू आहे. या अतिवृष्टीमुळे कोकण रेल्वे वाहतुकीवरही परिणाम झाला आहे. अनेक ठीकाणी ट्रकवर पाणी जमा झालं आहे.

त्यामुळे सावंतवाडी, ओरोस, कणकवली, नांदगाव या ठिकाणी कोकण रेल्वेच्या गाड्या थांबवून ठेवण्यात आल्या होत्या. कोकण रेल्वेमार्गावरील सर्वच गाड्या सध्या उशिराने धावत असून तब्बल ६ ते ७ तास उशिराने धावत आहेत. ( Rain News)

अप आणि डाऊन मार्गावरील गाड्या

डाऊन मार्ग

1) मडगांव जनशताब्दी एक्सप्रेस (कुडाळमध्ये थांबली आहे)

2) मडगांव तेजस एक्सप्रेस (सिंधुदुर्गमध्ये थांबली आहे)

3) मंगला लक्षद्वीप एक्सप्रेस (कणकवलीमध्ये थांबली आहे)

4) केरळ संपर्क क्रांति एक्सप्रेस (नांदगावमध्ये थांबली आहे)

5) दिवा (राजापूरमध्ये थांबली आहे)

6) मांडवी एक्सप्रेस (वैभववाडी येथे थांबली आहे.) (Maharashtra News)

अप मार्ग

1) करमली - मुंबई लोकमान्य टिळक टर्मिनस वातानुकूलित सुपरफास्ट एक्सप्रेस (झाराप येथे थांबली आहे)

2) कोच्चुवेली - मुंबई लोकमान्य टिळक टर्मिनस सुपरफास्ट एक्सप्रेस (कारवार येथे थांबली आहे)

3) तुतारी एक्सप्रेस (सावंतवाडी येथे थांबली आहे)