Maharashtra Politics: विरोधी पक्षनेतेपद रिक्तच राहणार? विरोधी पक्षाने घेतली फडणवीसांची भेट

भरत मोहळकर, साम प्रतिनिधी

महाराष्ट्र विधानसभा निवडणुकीत महाविकास आघाडीला दारुण पराभवाला सामोरं जावं लागलं. एवढंच नाही महाविकास आघाडीतील एकाही पक्षाला विरोधी पक्षनेतेपदासाठी आवश्यक असलेलं 29 जागांचं संख्याबळही गाठता आलं नाही. मात्र आता महाविकास आघाडीकडून विरोधी पक्षनेतेपद मिळवण्यासाठी जोरदार फिल्डिंग लावायला सुरुवात केलीय. तर महाविकास आघाडीने फडणवीसांची भेट घेऊन दिल्लीप्रमाणे विरोधी पक्षनेतेपद देण्याची मागणी केलीय. तर फडणवीसांनी याआधीच अध्यक्षांकडे बोट दाखवलंय.

महाविकास आघाडीकडून विरोधी पक्षनेतेपदाची मागणी केली जात असताना राहुल नार्वेकरांनी मात्र आपण विधानसभा अध्यक्षपदाच्या खुर्चीत बसल्यानंतर योग्य निर्णय घेणार असल्याचं म्हटलंय. याआधीही विरोधी पक्षनेतेपदाबाबत असाच पेच प्रसंग निर्माण झाला होता... तो नेमका कसा? पाहूयात.

विरोधी पक्षनेतेपद रिक्त राहणार?

दिल्लीत 3 जागा असतानाही 'आप'ने भाजपला विरोधी पक्षनेतेपद दिलं

1986

समाजवादी काँग्रेसच्या विलिनीकरणानंतर काँग्रेसने शेकाप आणि जनता पक्षाला विरोधी पक्षनेतेपद सोपवलं

2014 आणि 2019 च्या लोकसभा निवडणुकीत अपेक्षित संख्याबळ नसल्याने भाजपने युपीएला विरोधी पक्षनेतेपद नाकारलं होतं... मात्र महाराष्ट्रात समाजवादी काँग्रेसचं काँग्रेसमध्ये विलिनीकरण झाल्यानंतर काँग्रेसनं शेकाप आणि जनता पक्षाला विरोधी पक्षनेतेपद सोपवण्याचं औदार्य दाखवलं होतं. त्यामुळे आता महाराष्ट्रात भाजप लोकसभेचा कित्ता गिरवणार की महाविकास आघाडीचं एकत्रित संख्याबळ मान्य करून महाराष्ट्राची परंपरा जपणार? हे पाहणं महत्वाचं ठरणार आहे.