Maharashtra Politics : शरद पवार गटाला धक्का! युवा शिलेदार धीरज शर्मांचा अजित पवार गटात प्रवेश, सोनिया दुहानही उपस्थित

Maharashtra Politics Breaking News: राष्ट्रवादी शरदचंद्र पवार पक्षाचे युवक राष्ट्रीय अध्यक्ष धीरज शर्मा आणि राष्ट्रीय युवती अध्यक्षा सोनिया दुहान यांनी शरद पवारांची साथ सोडत अजित पवारांच्या राष्ट्रवादीत प्रवेश केला आहे.
Maharashtra Politics: राष्ट्रीय पातळीवर शरद पवारांना धक्का! युवा शिलेदारांनी सोडली साथ;  धीरज शर्मांचा अजित पवार गटात प्रवेश, सोनिया दुहानही बैठकीला उपस्थित
Maharashtra Politics Breaking News: Saamtv

सुनिल काळे, मुंबई| ता. २७ मे २०२४

राज्यातील लोकसभा निवडणुकांचा संग्राम संपला आहे. आता सर्वांना लोकसभेच्या निकालाची उत्सुकता आहे. मात्र या निकालाआधीच राष्ट्रवादी शरदचंद्र पवार पक्षाला मोठा धक्का बसला आहे. राष्ट्रवादी शरदचंद्र पवार पक्षाचे युवक राष्ट्रीय अध्यक्ष धीरज शर्मा यांनी आज अजित पवार गटात प्रवेश केला. तसेच या बैठकीला राष्ट्रीय युवती अध्यक्षा सोनिया दुहान यांनीही हजरी लावल्याने त्यांचा पक्षप्रवेशही निश्चित मानला जात आहे.

याबाबत सविस्तर माहिती अशी की, राष्ट्रवादी काँग्रेस पक्षामध्ये मोठी फूट पडल्यानंतर शरद पवार यांनी युवा शिलेदारांना सोबत घेऊन पक्षबांधणी करण्याचा निर्णय घेतला होता. यावेळी युवती अध्यक्षा सोनिया दुहान तसेच धीरज शर्मा यांच्यावर त्यांनी मोठी जबाबदारीही दिली होती. मात्र लोकसभा निवडणुकांच्या निकालाआधीच या दोन्ही नेत्यांनी पक्षाला रामराम ठोकला आहे.

शरद पवार यांच्या या युवा शिलेदारांनी तुतारीची साथ सोडत राष्ट्रवादी काँग्रेस पक्षात (अजित पवार गट) प्रवेश केला आहे. आज मुंबईमध्ये राष्ट्रवादी काँग्रेस पक्षाची कार्यकारिणी बैठक पार पडली. या बैठकीवेळी धीरज शर्मा यांचा पक्षप्रवेश झाला. पक्षाचे अध्यक्ष, उपमुख्यमंत्री अजित पवार, प्रदेशाध्यक्ष सुनिल तटकरे, मंत्री छगन भुजबळ आदी नेते यावेळी उपस्थित होते.

Maharashtra Politics: राष्ट्रीय पातळीवर शरद पवारांना धक्का! युवा शिलेदारांनी सोडली साथ;  धीरज शर्मांचा अजित पवार गटात प्रवेश, सोनिया दुहानही बैठकीला उपस्थित
Bhandara News : रोहयोच्या कामावर बोगस मजूर; रोजगार सेवकांनी लाटले शासनाचे पैसे, तुमसर तालुक्यातील प्रकार

दरम्यान, लोकसभेनंतर आता विधानसभेची रणधुमाळी सुरू होणार आहे. विधानसभेतही नवा पक्ष घेऊन मैदानात उतरण्याचे मोठे आव्हान शरद पवार यांच्या समोर आहे. त्याआधीच राष्ट्रीय पातळीवर दोन युवा शिलेदारांनी साथ सोडल्याने शरद पवार यांच्यासाठी हा मोठा धक्का मानला जात आहे.

Maharashtra Politics: राष्ट्रीय पातळीवर शरद पवारांना धक्का! युवा शिलेदारांनी सोडली साथ;  धीरज शर्मांचा अजित पवार गटात प्रवेश, सोनिया दुहानही बैठकीला उपस्थित
Pune Porsche Accident: 'रुग्णालय की गुन्हेगारांना वाचवणारा अड्डा?' ससून हॉस्पिटल पुन्हा वादाच्या भोवऱ्यात; पोर्शे अपघातावरुन विरोधकांनी घेरलं!

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com