Maharashtra Politics: बालेकिल्ल्यातच मुख्यमंत्री शिंदेंना मोठा झटका; बड्या पदाधिकाऱ्याचा ठाकरे गटात प्रवेश निश्चित

फय्याज शेख

Shiv Sena News:

ठाणे जिल्ह्यात मुख्यमंत्री एकनाथ शिंदे यांना पुन्हा एक झटका बसलाय. शिंदे गटाचे सह्याद्री ठाकूर म. संघटनेचे ठाणे जिल्हा अध्यक्ष जानू हिरवे हे आज उध्दव ठाकरे गटात प्रवेश करणार आहेत. मुंबई येथे मातोश्रीवर उद्धव ठाकरे यांच्या उपस्थितीत प्रवेश घेण्यासाठी जानू हिरवे शहापूरहून निघालेत. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

जानू हिरवे यांच्या प्रवेशाने शहापूर विधानसभेचे सर्व पक्षाचे राजकीय गणित कोलमडणार आहे. शहापूर विधानसभा क्षेत्रात बहुतांश ठाकूर म.समाजाचे आदिवासी लोक राहतात. त्यांची संख्या 50% आहे. यामुळे शहापूर विधानसभेत उद्धव ठाकरे यांचं परडं जड होणार अशी स्थिती दिसतेय.

काही दिवसांपूर्वी शिंदे गटाचे माजी आमदार पांडुरंग बरोरा यांनी शरद पवार गटात प्रवेश केला होता. त्यानंतर आता जानू हिरवे आज ठाकरे गटात प्रवेश करणारेत.

मराठा आरक्षणाला विलंब केल्याने बड्या नेत्याचा राजीनामा

आरक्षणाच्या मागणीवरुन मराठा समाज आक्रमक झाला आहे. राज्यातील अनेक गावात राजकीय नेत्यांना प्रवेशबंदी करण्यात आली आहे. अशातच मराठा समाजाला आरक्षण देण्यास विलंब केल्याने गुरूवारी शिंदे गटाच्या बड्या नेत्याने आपल्या पदाचा राजीनामा दिला आहे. शिवसेनेच्या एकनाथ शिंदे (Eknath Shinde) गटाचे बीडचे उपजिल्हाप्रमुख परमेश्वर तळेकर यांनी राजीनामा दिला आहे.

तळेकर यांच्यासोबत शिंदे गटाच्या इतर पदाधिकाऱ्यांनीही देखील राजीनामा दिलेत. आरक्षण आमच्या हक्काचे अशी घोषणाबाजी देखील शिवसेना कार्यालयाबाहेर करण्यात आली होती.