Maharashtra Politics 2024 : आयाराम गयारामांचे किती लाड पुरवणार? ; सदाभाऊ खोत यांचा महायुतीला घरचा आहेर

लोकसभा निवडणुकीनंतर आता राजकीय पक्षांना ४ महिन्यांवर आलेल्या विधानसभा निवडणुकांच वेध लागले आहेत. सर्व राजकीय पक्ष आतापासूनच निवडणुकांच्या तयारीला लागले आहेत. त्याच अनुषंगाने राज्यमंत्रिमंडळाचा विस्तारही होण्याची शक्यता आहे. यावरून सदाभाऊ खोत यांनी महायुतीला घरचा आहेर दिला आहे. राज्यातल्या मंत्रिमंडळ विस्तारामध्ये घटक पक्षांनाही योग्य स्थान द्या, अन्यथा नाराजी पसरेल, असा सूचक इशारा सदाभाऊ खोत यांनी दिला आहे.

लोकसभा निवडणुकीत आपल्याला जाणवलं की, आयाराम गयाराम यांचे लाड किती पुरवावेत. त्यामुळे यालाही कुठेतरी मर्यादा आल्या पाहिजेत, निर्बंध असणं अत्यंत गरजेचं आहे. आणि त्याच प्रतिबिंब कुठेतरी मंत्रिमंडळ विस्तारामध्ये दिसलं पाहिजे. तसंच महायुतीतील घटक पक्षांना मंत्रिमंडळ विस्तारामध्ये योग्य सन्मान दिला पाहिजे. आमच्याही कार्यकर्त्यांमुध्ये नैराश्याचं वातावरण आहे. ते होऊ नये, याची काळजी महायुतीने घेतली पाहिजे, असं सदाभाऊ खोत म्हणाले आहेत.