MNS Jagar Yatra: मनसेच्या जागर यात्रेला सुरुवात; लांजा ते वेरळदरम्यान अमित ठाकरेंचा सहभाग

Maharashtra Political News:

मुंबई गोवा महामार्गासाठी महाराष्ट्र नवनिर्माण सेनेच्या कोकण जागर यात्रेला आजपासून सुरूवात झाली आहे. महामार्गावर पळस्पे फाटा येथून अमित ठाकरे यांच्या नेतृत्वाखाली पदयात्रेला सुरुवात झालीये. संपूर्ण कोकणात एकूण आठ टप्प्यात पदयात्रा निघणार असून प्रत्येक टप्प्यात १५ किलोमीटरची पदयात्रा असणार आहे. (Latest Marathi News)

विविध टप्प्यात शालिनी ठाकरे, बाळा नांदगावकर, आमदार राजू पाटील, नितीन सरदेसाई, विनोद खोपकर, संदीप देशपांडे, वैभव खेडेकर हे पदयात्रेचे नेतृत्व करणार आहेत. संध्याकाळी 6 वाजता कोलाड नाका येथे मनसे अध्यक्ष राज ठाकरे यांच्या जाहीर सभेने यात्रेची सांगता होईल.

मुंबई गोवा महामार्गावर असलेल्या खड्ड्यांमुळे आज मनसे रस्त्यावर उतरली आहे. सकाळी ७ वाजल्यापासून कोकण जागर यात्रेला प्रारंभ करण्यात आलाय. कोलाड नाक्यावर या यात्रेची सांगता होणार आहे. त्यामुळे येथे रस्त्यांवर ठिकठिकाणी बॅनरबाजी करण्यात आली आहे.

रस्त्याच्या मुद्द्यावरुन काही दिवसांपूर्वी मनसेने मोठी आक्रमक भूमिका घेतली होती. त्यानंतर आता जागर यात्रेतून मनसेने आंदोलन पुकारलं आहे. जागर यात्रेमध्ये मोठ्या संख्येने मनसेचे कार्यकर्ते सहभागी झालेत. मोठ्या प्रमाणावर घोषणाबाजी आणि बॅनबाजी यात्रेत केली जात आहे.