सचिन कदम, प्रतिनिधी...
Maharashtra Political Crisis: राष्ट्रवादीचे नेते अजित पवार यांच्यासह ९ आमदारांनी मंत्रीपदाची शपथ घेतल्याने राज्यात राजकीय भूकंप झाला आहे. अजित पवार यांनी शिंदे- फडणवीस सरकारला पाठिंबा देत सत्तेत एन्ट्री घेतली.
मात्र अजित पवार यांच्या सत्तेतील वाट्याने शिवसेनेमध्ये धुसफूस चांगलीच वाढली आहे. राष्ट्रवादीकडून सुनील तटकरे यांच्या कन्या अदिती तटकरे यांनी मंत्रीपदाची शपथ घेतली. त्यांच्या मंत्रीपदाला शिवसेनेसह भाजपकडून विरोध केला जात आहे. (Maharashtra Political News)
दादांच्या एन्ट्रीने वाढली धुसफूस....
याबाबत अधिक माहिती अशी की, आदिती तटकरे (Aditi Tatkare) यांना रायगडचे पालकमंत्री करायला शिवसेनेसह भाजपनेही विरोध केला आहे. रायगड जिल्ह्यातील शिवसेना- भाजपच्या सर्व आमदारांचा विरोध असल्याची माहिती आमदार भरत गोगावले (Bharat Gogavale) यांनी दिली आहे. त्यामुळे रायगड जिल्ह्यात अजित पवार गट विरुद्ध शिवसेना- भाजप असा सामना रंगण्याची चिन्हे निर्माण झाली होती.
आदिती तटकरे यांच्याऐवजी भरत गोगावले यांनाच रायगडचं पालकमंत्री पद देण्यात यावं, अशी मागणी शिवसेना (Shivsena) आमदारांनी मुख्यमंत्र्यांकडे केली आहे. तसेच रायगडचे पालकमंत्रीपद हे शिवसेनेसाठी राखीव ठेवल्याचा दावाही भरत गोगावले यांनी केला आहे. त्यामुळे रायगडमध्ये पुन्हा तटकरे विरूद्ध गोगावले असा सामना पाहायला मिळणार आहे.
आमदारांमध्येही वाद...
दरम्यान, अजित पवार यांच्या बंडाने राज्याच्या राजकारणाची समिकरणे बदलून गेली आहेत. राष्ट्रवादीच्या पाठिंब्याला शिवसेना शिंदे- गटात नाराजी असून ती अनेक नेत्यांनी जाहीरपणे बोलून दाखवली आहे. इतकेच नव्हेतर मंत्रीपदावरुन शिंदे गटाच्या दोन आमदारांमध्ये वाद झाल्याचेही सांगण्यात येत आहे. (Latest Marathi News)
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.