Maharashtra Navnirman Sena : मनसैनिकांचा कृषी अधिकारी कार्यालयात राडा, यवतमाळमधील शेतक-यांच्या न्याय हक्कासाठी कर्मचा-याला चाेपले

- संजय राठोड

MNS News :

यवतमाळ जिल्ह्यातील लाखो शेतकऱ्यांनी पीक विमा काढला खरा परंतु नुकसानग्रस्त भागातील शेतकऱ्यांना अद्याप भरपाई मिळाली नसल्याने शेतकरी आर्थिक संकटात सापडला आहे. शेतक-यांना न्याय मिळावा यासाठी पुढाकार घेतलेल्या यवतमाळ जिल्ह्यातील महाराष्ट्र नवनिर्माण सेना (maharashtra navnirman sena) उपजिल्हाध्यक्ष आणि मनसैनिकांचा संयम सुटला आणि त्यांनी थेट पीक विमा कंपनीच्या कर्मचा-यांना चाेप दिला. (Maharashtra News)

यवतमाळ जिल्ह्यात अतिवृष्टीमुळे शेतकऱ्यांचे अतोनात नुकसान झाले. त्याचा पंचनामा देखील झाला. तरीही अद्याप शेतकऱ्यांना पीक विमा मिळाला नाही. राळेगाव तालुक्यातील हजारो शेतकरी पीक विमापासून वंचित राहिले.

मनसे जिल्हा उपाध्यक्ष शंकर वरघट यांनी तालुका कृषी अधिकारी यांच्या कार्यालयात पीक विमा कंपनीच्या अधिकाऱ्यांना चोप दिला. शेतकऱ्याकडून पैसे घेऊन पीकविमाचा मोबदला दिला जात असल्याचा आरोप वरघट यांनी केला.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

Edited By : Siddharth Latkar