राष्ट्रवादीकडून मराठवाडा पदवीधर मतदारसंघाचा उमेदवार जाहीर; सुनेत्रा पवारांनी सतीश चव्हाणांना पुन्हा दिली संधी

सुनेत्रा पवार यांच्या नेतृत्वाखालील राष्ट्रवादी काँग्रेस पक्षाने विधान परिषदेच्या मराठवाडा पदवीधर मतदारसंघासाठी आपला उमेदवार जाहीर केलाय. राष्ट्रवादीने सतीश चव्हाण यांना पुन्हा उमेदवारी दिलीय. सतीश चव्हाण उद्याच उमेदवारी अर्ज दाखल करणार आहेत. मराठवाडा पदवीधर मतदारसंघाच्या निवडणुकीसाठी २३ ऑक्टोबरला मतदान होणार आहे. २७ ऑक्टोबरला मतमोजणी होऊन निकाल जाहीर होणार आहे.

महायुतीकडून मराठवाडा पदवीधर मतदारसंघाची जागा राष्ट्रवादीला देण्यात आलीय. याच जागेवर पक्षाकडून सतीश चव्हाण यांच्यावर पुन्हा एकदा विश्वास व्यक्त केलाय.

उमेदवारी जाहीर झाल्यानंतर काय म्हणाले सतीश चव्हाण?

मराठवाडा पदवीधर मतदारसंघातून तीनवेळा मी निवडून आलोय. आताही राष्ट्रवादी काँग्रेस पक्षाने पुन्हा मला उमेदवारी दिली त्यामुळे मी आनंदी आहे. पदवीधरांचे प्रश्न मी मोठ्या नेटाने मांडेल. महायुतीच्या नेत्यांनी माझ्यावर विश्वास टाकून मला उमेदवारी दिलीय.याबद्दल महायुतीच्या नेत्यांचे मी आभार मानतो. त्यांचा विश्वास सार्थ ठरवेन, अशी ग्वाही देतो, असं सतीश चव्हाण म्हणालेत.

कोण आहेत सतीश चव्हाण?

मराठवाडा पदवीधर मतदारसंघाचे विधान परिषदेत प्रतिनिधित्व करणारे आमदार

त्यांनी मराठवाडा पदवीधर मतदारसंघाचे सलग तीन वेळा प्रतिनिधित्व केले

२००८, २०१४ आणि २०२० दणदणीत विजय मिळवून हॅटट्रिक साधली

गेल्या १८ वर्षांहून अधिक काळ त्यांनी मराठवाडा पदवीधर मतदारसंघाचे प्रतिनिधित्व केले

मराठवाडा शिक्षण प्रसारक मंडळामध्ये कार्यकारी सदस्य

शिक्षण आणि विद्यार्थ्यांच्या प्रश्नांवर सातत्याने आवाज उठवतात