Maharashtra News Live Updates : पुण्यात २६ सप्टेंबरपासून सिव्हील कोर्ट ते स्वारगेट मेट्रो सुरु होणार

पुण्यात २६ सप्टेंबरपासून सिव्हील कोर्ट ते स्वारगेट मेट्रो सुरु होणार

अंडरग्राउंड मेट्रोचे काम पूर्ण

पंतप्रधान नरेंद्र मोदी यांच्या हस्ते होणार लोककर्पण सोहळा

यावेळी स्वारगेट कात्रज भुयारी मार्गाचे भूमिपूजन होणार

कसबा पेठ,मंडई,स्वारगेट तीन मेट्रो स्थानके प्रवाशांसाठी खुली होणार

यावेळी पंतप्रधान नरेंद्र मोदी यांची पुण्यातील एस पी महाविद्यालयाच्या मैदानावर सभा ही होणार आहे.

साकळाई उपसा जलसिंचन योजना जनआंदोलन समितीच्या वतीने नगर-दौंड मार्गावर रस्ता रोको आंदोलन करण्यात आलं. त्यामुळे महामार्गावर वाहनांच्या लांबच लांब रांगा लागल्या. परिणामी वाहनचालकांना मोठ्या अडचणीचा सामना करावा लागला. सध्या पोलिसांकडून आंदोलकांना हटवण्यात येत आहे.

कायदेशीरित्या गावठी बनावटीचे पिस्तूल जवळ बाळगून फिरणाऱ्या एकाला बाचणी येथून करवीर पोलिसांनी अटक केलीय. ऋत्विक उर्फ सनी रामचंद्र जाधव असं त्याचं नाव असून पोलिसांनी त्याच्याकडून गावठी बनावटीचे पिस्तूल आणि 4 जिवंत राऊंड जप्त केलंय. पोलीस निरीक्षक किशोर शिंदे यांच्या पथकाने बाचणी येथे ही कारवाई केली आहे.

मनोज जरांगे पाटील १७ सप्टेंबरपासून उपोषणाला सुरु आहे जरांगे यांची प्रकृती खालवत चालल्याने राज्यभरातील मराठा समाज आक्रमक झाला असून आज मनोज जरांगे यांच्या समर्थनार्थ जालना जिल्हा बंदची हाक देण्यात आली आहे. मनोज जरांगे यांच्या मागण्या मान्य करून त्यांचे उपोषण सोडावं अशी समाजाची मागणी आहे.या पार्श्वभूमीवर सकल मराठा समाजाकडून जालना बंदची हाक देण्यात आली आहे.जालना शहरातील मुख्य बाजारपेठ असलेल्या सावरकर चौक आणि भाजी मार्केट मध्ये सध्या कडकडीत बंद असल्याचं पाहायला मिळात आहे.

अमरावती शहरात मोकाट कुत्र्यांचा संचार वाढल्याने नागरिक व लहान बालकांमध्ये चिंता वाढली आहे, शहरात गल्लोगल्लीत भटकी कुत्रे फिरतांना दिसत आहे, एप्रिल ते जुलै या महिन्यात 6 हजार 348 मोकाट कुत्र्यांनी चावा घेतला आहे, तर धक्कादायक म्हणजे दररोज 70 लोकांना भटकी कुत्रे चावा घेत आहे शहरात गल्लीत जिकडे तिकडं भटकी कुत्रे फिरतांना दिसत आहे. त्यामुळे घराबाहेर पडतांना भिती वाटत आहे. त्यामुळे अमरावती महानगरपालिकाने तात्काळ यावर उपाय योजना कराव्या ही मागणी केली जात आहे.

मराठा समाजालाओबीसी संवर्गातून आरक्षण मिळावे या मागणीसाठी मराठा आंदोलक मनोज जरांगे पाटील यांनी अंतरवाली सराटी येथे सहाव्यांदा आमरण उपोषण सुरू केले आहे. त्यांच्या उपोषणाच्या समर्थनार्थ सकल मराठा समाजाच्या वतीने आज परभणी जिल्हा बंदची हाक देण्यात आली आहे. याबाबत सकल मराठा समाजाच्यादोन गटाकडून परभणी पोलीस अधीक्षक रविंद्रसिंह परदेशी यांना निवेदन देण्यात आले. या बंदमधून अत्यावश्यक सेवांना वगळण्यात आले असून सर्व व्यापारी बांधवांनी आपले व्यवसाय बंद ठेवून सहकार्य करावे, असे आवाहन सकल मराठा समाजाच्या वतीने करण्यात आले आहे.