आगामी होऊ घातलेल्या निवडणुकीच्या पार्श्वभूमीवर नगरपरिषदेच्या निवडणुकांसाठी रणधुमाळी लागली आहे आता राष्ट्रवादी अजित पवार गटाकडून पहिलाच उमेदवार जाहीर करण्यात आला आहे बीड जिल्ह्यामध्ये सहा नगर परिषदेमध्ये निवडणूक होत आहे त्यापैकी गेवराई नगर परिषदेमध्ये आमदार विजयसिंह पंडित यांच्या गटाकडून माजी नगराध्यक्ष महेश दाभाडे यांच्या पत्नी शितल महेश दाभाडे यांना उमेदवारी देत थेट विजयसिंह पंडित यांच्याकडून या उमेदवारीची घोषणा करण्यात आली आहे.
मंत्री चंद्रकांत पाटील उद्या पुणे पोलीस आयुक्तांना भेटणार
पुणे पोलीस आयुक्त अमितेश कुमार यांच्यासोबत चंद्रकांत पाटील घेणार बैठक
पुणे शहरातील कायदा व सुव्यवस्थेच्या बाबत चंद्रकांत पाटील घेणार आढावा
पोलीस अधिकाऱ्यांसोबत बैठक घेत पुणे शहरातल्या वाढत्या गुन्हेगारीवर चंद्रकांत पाटील करणार चर्चा
बैठकीनंतर प्रसार माध्यमांची देखील चंद्रकांत पाटील साधणार संवाद
फलटण प्रकरणात तिसरा मोठा दणका जिल्हा पोलीस अधीक्षक तुषार दोशी यांची बदली करण्यात आली आहे अशी पोस्ट ठाकरे गटाच्या नेत्या सुषमा अंधारे यांनी केली आहे.
लोकल सेवा बंद आहे.. मोटारमॅन नी कामबंद आंदोलन केलेल्या प्रवाश्यांना होतोय प्रचंड मनस्ताप ..
- नाशिकच्या रामकुंडावर नितेश राणे यांच्या हस्ते गोदावरीची आरती
- रामतीर्थ गोदावरी सेवा समितीकडून दररोज संध्याकाळी केली जाते गंगा गोदावरीची महाआरती
- आजच्या गोदावरीच्या आरतीला मंत्री नितेश राणेंची देखील उपस्थिती
- विधिवत मंत्रोच्चारात नितेश राणेंच्या हस्ते पार पडतेय गोदावरीची आरती
- गोदावरीच्या आरतीसाठी भाविकांची देखील गोदा घाटावर गर्दी
सीएसएमटी स्थानकात रेल्वे कर्मचाऱ्यांचे आंदोलन चालू असल्याने मध्य रेल्वेची वाहतूक विस्कळीत झाली आहे.
पुणे महापालिकेच्या येरवडा क्षेत्रीय कार्यालयात विकास कामांच्या टेंडर प्रक्रियेदरम्यान एका ठेकेदाराने लाखो रुपयांची खोटी एफडीआर (फिक्स डिपॉझिट रिसीट) जमा करून टेंडर ची कामे मिळविण्याचा धक्कादायक प्रकार समोर आला आहे. या प्रकरणात अधिकारी देखील दोषी आढळत असल्याने हा प्रकार तीन महिने झाले उघडकीस येऊन देखील या गंभीर प्रकरणात संबंधित ठेकेदारावर ना कायदेशीर कारवाई झाली ना त्यास काळया यादीत टाकण्यात आले आहे. तेरी भी चूप मेरी भी चूप म्हणून शांत केले आहे.
पालिकेच्या सी वॉर्ड शेजारील इमारतीत मोठी आग
दक्षिण मुंबईतील मरीन लाईन्स परिसरात असणाऱ्या दोन मजली इमारतींना मोठी आग
आगीत दोन सिलेंडर फुटल्याची प्राथमिक माहिती
बेस्टचे वीज कर्मचारी, मुंबई पोलीस आणि अग्निशमन दलाच्या जवान घटनास्थळी दाखल
आगीवर नियंत्रण मिळवण्याचे काम युद्ध पातळीवर सुरू
आग लागलेल्या घरात काही माणसं अडकल्याची भीती
महाराष्ट्र राज्य परीक्षा परिषदेमार्फत रविवार २३ नोव्हेंबर २०२५ रोजी होणाऱ्या महाराष्ट्र शिक्षक पात्रता परीक्षेसंदर्भात युट्यूब चॅनल्स, विविध समाजमाध्यम तसेच प्रसार माध्यमांद्वारे दिल्या जाणाऱ्या चुकीच्या व दिशाभूल करणाऱ्या बातम्या व अफवांवर विश्वास ठेवू नये, असे आवाहन परीक्षा परिषदेच्या आयुक्त अनुराधा ओक यांनी केले आहे.
भोंदूबाबा दीपक खडके याच्यासह वेदिका पंढरपूरकर विरोधात फसवणुकीचा गुन्हा दाखल
शंकर महाराज अंगात येतात असे भासवत डोळस कुटुंबाची केली १४ कोटी रूपयांची फसवणूक
फसवणुकीचा तपास पुणे पोलिसांच्या आर्थिक गुन्हे शाखेकडून केला जाणार
महाराष्ट्र नरबळी आणि इतर अमानुष अनिष्ठ व अघोरी प्रथा व जादूटोणा अधिनियम कायदा अन्वये देखील गुन्हा दाखल
कोथरूड पोलिस ठाण्यातून गुन्हा दाखल असून आर्थिक गुन्हे शाखेकडे वर्ग
कोपरगाव तालुक्यातील टाकळी शिवारात बिबट्याच्या हल्ल्यात एका चार वर्षांच्या बालिकेचा दुर्दैवी मृत्यू झाल्याची घटना काल सायंकाळी घडली आहे.. या घटनेमुळे परिसरात भीतीचं वातावरण निर्माण झालं असून, वनविभागाने नरभक्षक बिबट्याला पकडण्यासाठी शोध मोहीम सुरू केली आहे..
माजी मुख्यमंत्री शिवसेना पक्ष प्रमुख उद्धव ठाकरे यांचे नांदेडच्या लोहा तालुक्यातील पारडी गावात आगमन.
पारडी येथील शेतकऱ्यांशी साधनार संवाद.
उद्धव ठाकरे दोन दिवस नांदेड जिल्ह्याच्या दौऱ्यावर.
आज सायंकाळी भोकर तालुक्यातील तलाव रिसोट येथे उद्धव ठाकरे यांचा मुक्काम.
तलाव रिसोट येथे नांदेड आणि हिंगोली जिल्ह्याच्या शिवसेनेच्या पधादिकारी आणि कार्यकर्त्यांसोबत घेणार बैठक.
उद्या सकाळी नऊ वाजता नांदेडच्या अर्धापूर तालुक्यातील पारडी येथे उद्धव ठाकरे शेतकऱ्यांसोबत साधणार संवाद.
पारडी येथील शेतकऱ्यांसोबत सव्वा सातच्या नंतर हिंगोली कडे होणारा रवाना.
वसईच्या पापडी जामा मशिदीच्या बाजूला असलेल्या घराच्या काचेवर अज्ञाताकडून गोळीबार केल्याची घटना घडली आहे. मंगळवारी रात्री 10 वाजताच्या सुमारास हा गोळीबार झाला असल्याची माहिती सलमानी उर्फ बाबू मिसाळ यांनी दिली.
घटनास्थळी वसई पोलिस, न्यायवैद्यकीय पथक, गुन्हे शाखा 2 चे पथक पोहोचून जागेची पाहणी केली आहे. घरावर झालेला हल्ला हा गोळीबारच असावा अशी शक्यत मिसाळ यांनी व्यक्त केली आहे.
पिंपरी-चिंचवड पोलिसांच्या दहशतवाद विरोधी पथकाने (ATS) भोसरी परिसरात अवैध मार्गाने वास्तव्य करणाऱ्या एका बांगलादेशी महिलेला ताब्यात घेतले आहे. व्हिसाची मुदत संपल्यानंतरही ती येथे राहत असल्याने ही कारवाई करण्यात आली आहे.
पुण्यातील मुंढवा शासनाचा महार वतनाचा भूखंड युती सरकारच्या आशिर्वादाने लाटण्यात आल्या विरोधात आंदोलन
पुणे शहरातील मोक्याच्या ठिकाणी असलेला शासनाचा 40 एकरचा भूखंड अजित पवारांचे सुपुत्र पार्थ पवार यांनी लाटल्याबद्दल शिवसेनेच्या वतीने निदर्शन आंदोलन करण्यात येणार आहे. स्वार्थासाठी पुणे शहराची लूट करण्याचे प्रकार थांबलेच पाहिजेत.
पिंपरखेड गावात बिबट्याच्या हल्ल्यात मृत्युमुखी पडलेल्या शाळकरी मुलाच्या कुटुंबियांची तसेच ग्रामस्थांची भेट घेऊन परिस्थितीचा आढावा घेणार घेण्यासाठी घेण्यासाठी उपमुख्यमंत्री एकनाथ शिंदे हे पिंपरखेड येथे आले आहे
फार्मर आयडी आणि केवायसीतील त्रुटींमुळे अनेक शेतकऱ्यांना अनुदान नाही मिळाले..
क्रांतिकारी शेतकरी संघटनेचे जिल्हाध्यक्ष कपिल पडघान यांची तहसीलदार कार्यालयात धडक.
मंगळवारपर्यंत अनुदान न मिळाल्यास आक्रमक आंदोलनाचा इशारा.
अजित पवारांच्या राष्ट्रवादी काँग्रेस मध्ये असलेले जिल्हा परिषदेचे माजी उपाध्यक्ष सुजित झावरे उपमुख्यमंत्री एकनाथ शिंदे यांच्या उपस्थितीत करणार शिवसेनेत प्रवेश....
थोड्याच वेळेत उपमुख्यमंत्री एकनाथ शिंदे पारनेर मध्ये होणार दाखल....
तर झावरे यांच्या पक्षप्रवेश सह उपमुख्यमंत्री यांची होणार जाहिर सभा...
सुजित झावरे हे विधानसभा निवडणुकीत होतें अजित पवारांसोबत आता राष्ट्रवादीला धक्का देत झावरे शिंदे सेनेत करणार प्रवेश
देशभरात मत चोरीचा आरोप करत विरोधक सत्ताधारी पक्षांवर आक्रमक होताना दिसत आहे. राहुल गांधीपासून राज ठाकरे या सारख्या बड्या नेत्यांनी निवडणूक आयोग व सत्ताधारी यांच्यावर मत चोरीचा आरोप लावत मोठे आंदोलन उभे केले आहे. काही दिवसांपूर्वी महाविकास आघाडी व मनसे व इतर छोट्या पक्षांनी मतचोरी विरोधात मुंबईत मोठा मोर्चा सुद्धा काढला होता. त्यातच आता कल्याणच्या शिंदे सेनेच्या शहर प्रमुखांच्या विधानाने मोठी खळबळ उडाली आहे शहर प्रमूख रवी पाटील यांनी कल्याण मध्ये झालेल्या मेळाव्यात आगामी निवडणुकीची तारीख जाहीर केली आहे.ती सुद्धा निवडणूक आयोगाच्या आधी त्यामुळे चर्चांना उधाण आले आहे. त्याच बरोबर नागरिकांसह राजकीय गोटात अनेकांच्या भुवया ऊचलल्या आहेत.
आगामी कल्याण-डोंबिवली महानगरपालिका निवडणुकीच्या पार्श्वभूमीवर राजकीय घडामोडींना वेग आला असून, शिवसेना (शिंदे गट) तर्फे काल नारी शक्ती मेळावा मोठ्या उत्साहात पार पडला. या मेळाव्यात महिला कार्यकर्त्यांचा मोठा सहभाग पाहायला मिळाला.
डोंबिवली -
डोंबिवली बदलापूर पाईपलाईन महामार्गावरील वाहतूकीवर परिणाम
दगड वाहतूक करणाऱ्या डंपर चालकाचा नियंत्रण सुटला..
पाईपलाईन महामार्गावरील धामटन येथे अपघात..
महामार्गावर डंपर मधील दगडांचा खच,
सुदैवाने मोठी दुर्घटना टळली..
नेवाळी नाकाच्या दिशेने जात होता डम्पर...
भाजपचे आमदार संजय केनेकर यांची निवडणूक आयोगाकडे तक्रार
उद्धव ठाकरे यांचा मराठवाडा दौरा आचारसंहितेचा भंग करणारा आहे
निवडणूक आयोगाने याची चौकशी करून कारवाई करण्याची मागणी
आचारसंहिता लागू झाल्यानंतर पूर्णतः राजकीय दौरा असल्याचा आरोप
नाशिक -
- नाशिकमधील बेथेलनगर गोळीबार प्रकरण
- गोळीबार करून दहशत निर्माण करणारे आरोपी पोलिसांच्या जाळ्यात
- पोलिसांनी गुन्हेगारांच्या मुसक्या आवळत दाखवला कायद्याचा हिसका
- काही दिवसांपूर्वी शरणपूर रोडवर कोयते, बाटल्या आणि गोळीबाराने थरार
- पाच आरोपींना अटक, एक विधी संघर्ष बालक ताब्यात
- घटनेत भूषण पवार जखमी, हर्षद पाटणकरसह साथीदार फरार
पुणे-
राज ठाकरे यांच्याकडून शाखाध्यक्ष आणि पदाधिकाऱ्यांची कानउघडणी
मनसे अध्यक्ष राज ठाकरे यांच्या नेतृत्वात आज पुण्यातील शाखा अध्यक्षांची बैठक
काम करायची इच्छा नसेल तर पद सोडा, राज ठाकरे यांनी शाखा अध्यक्षांना फटकारले
इतके दिवस काय काम केले हे दाखवा, मतदार याद्या पूर्ण का केल्या नाही, राज ठाकरेंचा पदाधिकाऱ्यांना प्रश्न
ज्यांनी काम केले नाही त्यांना काढून टाकण्याचे राज ठाकरेंनी दिले आदेश
पंढरपूर -
माढ्याचे आमदार अभिजीत पाटील यांना मुख्यमंत्री देवेंद्र फडणवीस यांचा आशिर्वाद
भाजप नेते प्रविण दरेकर यांच मोठं विधान
लातूर - खासदार ओमराजे निंबाळकर -
शेतकऱ्यांची भावना उद्धव ठाकरे यांना समजली, म्हणून त्यांनी तत्काळ कर्ज माफी केली..
निवडणुकीच्या आधी आनंदाचा शिदा आणि आता काय..
लाडक्या बहिणीचं मानधन 2100 झाल का..
घोषणा मोठी आणि मदत तुटपुंजी..
सोयाबीन काय भाव मिळत आहे
बीड -
गेवराई नगर परिषदेवर पुन्हा पवारांचा झेंडा फडकणार की पंडित बाजी मारणार
भाजपाकडून माजी आमदार लक्ष्मण पवार यांचे बंधू बाळराजे पवार यांच्या पत्नी गीता पवार निवडणुकीच्या मैदानात
तर विद्यमान आमदार विजयसिंह पंडित यांच्या गटाकडून माजी नगराध्यक्ष महेश दाभाडे यांच्या पत्नी शितल दाभाडे निवडणुकीच्या मैदानात
पुणे -
अहिल्यानगर शहरातील जैन समाजाची जमीन संग्राम जगताप यांनी हडप केल्याचा आरोप
ठाकरे गटाचे शहराध्यक्ष किरण काळे आणि रवींद्र धंगेकर धर्मादाय कार्यालयात देणार भेट
या जमिनीसंदर्भात विचारणार जाब
धंगेकर धर्मादाय आयुक्तांना भेटायला आलेत
पुणे -
मनसे अध्यक्ष राज ठाकरे यांचा आज पुणे दौरा
राज ठाकरे घेणार पुणे शहरातील शाखा अध्यक्ष यांची बैठक
पुणे शहरातील मनसे चे सर्व नेते पदाधिकारी उपस्थित
येत्या निवडणुकीच्या पार्श्वभूमीवर राज ठाकरे करणार मार्गदर्शन
नंदुरबार तालुक्यातील शनिमांडळ भागातून भाजपला खिंडार.
माजी सरपंच योगेश मोरेंसह असंख्य ग्रामस्थ शिवसेनेत दाखल.
स्थानिक स्वराज्य संस्थांच्या पार्श्वभूमीवर शिवसेना शिंदे गटात इन्कमिंग सुरू.
कोरेगाव पार्क येथील बंडगार्डन मेट्रो स्टेशनला मेट्रो स्टेशनच्या खांबाला धडकून झालेल्या अपघातात तीन तरुणांचा मृत्यू झाल्याची घटना ताजी असतानाच असाच एक अपघात पौड रस्त्यावरील मेट्रो स्टेशन जवळ घडला.
एक भरधाव कार मेट्रोस्थानकाच्या पिलरला धडकल्यामुळे कारचा अक्षरशः चक्काचूर झाला. सुदैवाने गाडीमधील एअर बॅग मुळे चालक बचावला.
काही तरुण कार्यकर्त्यांनी बचाव कार्य या जखमीला तातडीने बाहेर काढल्याने पुढील अनर्थ टळला.
लँडिंग करताना विमनाच्या पंखात अडकला पतंगाचा मांजा, सोलापूर विमानतळवरील धक्कादायक घटना
पायलटच्या सतर्कतेमुळे वाचले प्रवाशांचे प्राण, पंतग उडवणाऱ्या अल्पवयीन मुलाला आणि त्यांच्या पालकांना पोलिसांनी दिली समज
तर विमानतळ परिसरात नायलॉन मांजा विक्री करणाऱ्या विरोधात गुन्हा नोंद करण्यात आलंय
बिलाल इब्राहिम शेख असे मांजा विक्री केल्याने गुन्हा दाखल झालेल्या आरोपी व्यक्तीचे नाव आहे
काल दुपारी दोनच्या सुमारास मुंबईहुन सोलापूरला विमान आले, यामध्ये एकूण 34 प्रवासी प्रवास करत होते
सोलापूर विमानतळाच्या रनवेवर लँड करत असताना विमानाच्या पंखात मांजा अडकल्याचे पायलटच्या लक्षात आलं
पायलटने सतर्कता दाखवत सुरक्षितपणे विमान लँड केला त्यामुळे एक मोठी दुर्घटना टळली
नाशिकच्या येवला तालुक्यातील अंदरसुल या ठिकाणी एंडाईत वस्तीजवळ चार मोठ्या चंदनाच्या झाडांची कत्तल करून चरी करण्यात आली आहे.
शेतकऱ्यांनी दिलेल्या माहितीनुसार बाजारात या चंदनाच्या झाडांची किंमत लाखो रुपयांच्या वर असून पोलिसांनी या चोरट्यां बंदोबस्त करावा अशी मागणी शेतकरी करत आहे.
दरम्यान चोरट्यांनी चंदनाची झाडे कापण्यासाठी वापरलेले कटर मशीन जागेवरच सोडून पळ काढला आहे. पुष्पा स्टाईलने चोरी झाल्याच्या चर्चांना परिसरात उधाण आले होते.
आगामी निवडणुकीच्या पार्श्वभूमीवर राज्य सरकार ने प्रसिद्ध केली जाहिरात
मुंबई शहर पोलिस दलात सर्वाधिक जागा
पोलीस शिपाई पदासाठी १ हजार ७३३ जागा, वाहन चालक शिपाई पदासाठी १०५ आणि बॅन्डमन पदासाठी ३३ जागा भरल्या जाणार
पुणे कारागृह विभागात १३० पदांची भरती करण्यात येणार तर पिंपरी चिंचवड शहर पोलीस दलात ३२२ जागा आणि पुणे ग्रामीण पोलिस दलात ७२ जागांसाठी जाहिरात
कवयित्री बहिणाबाई चौधरी उत्तर महाराष्ट्र विद्यापीठातर्फे आयोजित एकविसाव्या महाराष्ट्र राज्य आंतरविद्यापीठ इंद्रधनुष्य युवक महोत्सव २०२५ स्पर्धेचे उद्घाटन हास्य जत्रा फेम श्रेया बुगडे यांच्या हस्ते संपन्न झाले.
यावेळी व्यासपीठावर महोत्सवाच्या अध्यक्षस्थानी कुलगुरू प्रा.व्ही.एल. माहेश्वरी होते.
प्रमुख अतिथी म्हणून डॉ.बाबासाहेब आंबेडकर मराठवाडा विद्यापीठाचे कुलगुरू प्रा.विजय फुलारी, डॉ.बाबासाहेब आंबेडकर तंत्रविज्ञान विद्यापीठाचे कुलगुरू प्रा. कारभारी काळे उपस्थित होते.
सिंधुदुर्ग जिल्ह्यात पालकमंत्री इच्छुक नसल्याने युती झाली नाही. आमदार दिपक केसरकर यांचा आरोप.
सिंधुदुर्गात युती होणार की नाही याबाबत सुरू होत्या उलट सुलट चर्चा.
युतीसाठी उदय सामंत आणि मी मुख्यमंत्र्यांना भेटलो.
रवींद्र चव्हाण यांना सुद्धा भेटलो मात्र पालकमंत्री नितेश राणे बहुदा इच्छुक नसल्याने युती झाली नाही, असा आरोप दिपक केसरकरांनी केला आहे.
अतिवृष्टीमुळे मोठ्या प्रमाणावर शेतीचे नुकसान झाल्याने हवालदिल झालेल्या शेतकऱ्यांना तत्काळ आर्थिक मदत मिळावी, या मागणीसाठी चंद्रपूर जिल्ह्यातील जिवती तालुक्यात आंदोलन सुरू आहे.
शेतकरी संघटनेचे तालुकाध्यक्ष सुदाम राठोड यांच्या नेतृत्वात तहसील कार्यालयासमोर आमरण उपोषणास सुरुवात करण्यात आली आहे.
शासनाने लवकरात लवकर निर्णय घेतला नाही, तर आंदोलन अधिक व्यापक करण्याचा इशारा उपोषणकर्त्यांकडून देण्यात आला आहे.
जिवती तालुका हा अतिदुर्गम व कोरडवाहू शेतीचा भाग असल्याने शेतकऱ्यांचे जगणे आधीच अवघड झाले आहे.
सांगली जिल्हा बँकेच्या कलम ८८ अंतर्गत सुरू असलेल्या चौकशीवरील स्थगिती शासनाने उठवल्यानंतर आता याप्रकरणी काही आजी-माजी संचालकांसह तत्कालीन अधिकाऱ्यांना नोटिसा बजावल्या आहेत.
बँकेचे ५० कोटी ५८ लाखांचे नुकसान केल्याप्रकरणी म्हणणे सादर करण्यास सांगितले आहे.
ऊस दराची पहिली ठिणगी सांगली जिल्ह्यातील पलूस तालुक्यातील भिलवडी येथे पाहायला मिळाली आहे. उसाचा दर जाहीर न करताच ऊस नेणारी वाहने भिलवडी येथे स्वाभिमानी शेतकरी संघटनेच्या कार्यकर्त्यांनी रोखून धरली.
ऊसाला पहिली उचल 37 51 रुपये तसेच गतवर्षी गाळप झालेल्या ऊसाला दोनशे रुपये मिळालेच पाहिजे त्याशिवाय वाहने सोडणार नाही असा पवित्रा स्वाभिमानी शेतकरी संघटनेचे कार्यकर्त्यांनी घेतला होता.
यामध्ये हुतात्मा कारखाना, क्रांती कारखाना, सोनहिरा व दत्त इंडिया सांगली कारखाना या कारखान्याची वाहने यावेळी स्वाभिमानी शेतकरी संघटनेचे कार्यकर्त्याने अडवली.
यावेळी उस उत्पादक शेतकरी उपास्थित होते. आंदोलनाच्या वेळी भिलवडी पोलीस स्टेशन ने चोख पोलीस बंदोबस्त ठेवला होता.
आगामी निवडणुकीच्या पार्श्वभूमीवर राज्य सरकारने प्रसिद्ध जाहिरात केली. मुंबई शहर पोलिस दलात सर्वाधिक जागा आहेत. पोलीस शिपाई पदासाठी १ हजार ७३३ जागा, वाहन चालक शिपाई पदासाठी १०५ आणि बॅन्डमन पदासाठी ३३ जागा भरल्या जाणार आहेत.
- राहुल गांधी यांनी आरोप केलेल्या कामठी विधानसभा मतदारसंघातच काँग्रेस उमेदवाराची डबल नोंदणी
- कामठी विधानसभेचे काँग्रेसचे उमेदवार सुरेश यादवराव भोयर यांचं मतदार यादीत दुबार नाव
- एका मतदार यादीत घर क्रमांक 1 तर दुसऱ्यामध्ये घर क्रमांक 131
- एका मतदार यादीत वय 60 वर्षे तर दुसऱ्या यादीत वय 55 वर्षे
- 2024 च्या विधानसभा निवडणुकीत काँग्रेसकडून सुरेश भोयर यांनी कामठी विधानसभा मतदार संघातून निवडणूक लढवली होती
नाशिक जिल्ह्यतील मालेगाव, बागलाण सह ग्रामीण भागातील अनेक ठिकाणी टरबुजची लागवड करण्यात येते या सीजन मध्ये चांगला भाव भेटेल अशी अपेक्षा शेतकऱ्यांची होती. पिक देखील चांगले आले, मात्र गेल्या काही दिवसापूर्वी झालेल्या पावसाने टरबुजचे वेल कुजले आणी त्यामुळे फळावर देखील कुजीचा परिणाम झाला असल्याने फळाची वाढ खुंटली आणि उत्पादनात मोठी घट झाली, योग्य आकार नसल्याने व्यापारी खरेदी साठी इच्छुक नाही,त्यामुळे नाईलाजाने शेतकऱ्यांना स्थानिक बाजारात विक्री करावे लगत असल्याने शेतकऱ्यांना दुहेरी आर्थिक फटका सहन करावा लागत आहे.
सिंधुदुर्ग जिल्ह्यात भाजपने शिंदेच्या शिवसेनेसह ठाकरे गटालाही जोरदार धक्का दिला आहे. भाजपचे प्रदेशाध्यक्ष रवींद्र चव्हाण,विधानसभा अध्यक्ष राहुल नार्वेकर आणि पालकमंत्री नितेश राणे यांच्या उपस्थितीत सावंतवाडी येथे आयोजित कार्यक्रमात काँग्रेसचे माजी जिल्हा अध्यक्ष विकास सावंत यांचे पुत्र विक्रांत सावंत, ठाकरे गटाचे जिल्हा परिषद सदस्य मायकल डिसोजा, शिवसेना शिंदे गटाचे जिल्हा संघटक रुपेश पावसकर यांच्यासह शेकडो कार्यकर्त्यांचा भाजपमध्ये जाहीर पक्ष प्रवेश संपन्न झाला. या प्रवेशामुळे स्थानिक स्वराज्य संस्थांमधील निवडणूकांच्या तोंडावर भाजपने मित्र पक्षांसह ठाकरे गटाला जोरदार धक्का दिला असल्याच बोलल जात आहे.
सदाभाऊ खोत यांच्या प्रयत्नांनाने सांगलीच्या इस्लामपूरचे ईश्वरपूर झाले. त्यामुळे मित्र पक्ष व रयत क्रांती संघटनेच्या वतीने फटाके, पेढे, वाद्यांच्या गजरात, फुलांची उधळण करत आ. सदाभाऊ खोत यांचे ईश्वरपूरमध्ये जल्लोषात स्वागत करण्यात आले. शिवसेनाप्रमुख बाळासाहेब ठाकरे यांनी ईश्वरपूर असा पहिला उल्लेख एका जाहीर सभेत केल्यानंतर या नामांतराच्या मागणीला वेग आला होता. नगरपालिकेच्या सभागृहातही “इस्लामपूरचे ईश्वरपूर” असे नामांतर करण्याचा ठराव एकमुखाने मंजूर झाला होता. पावसाळी अधिवेशनात आमदार सदाभाऊ खोत यांनी विधान परिषदेत ही मागणी मांडली होती. आमदार गोपीचंद पडळकर व आ. सदाभाऊ खोत यांच्या सातत्यपूर्ण पाठपुराव्यानंतर त्या मागणीला सकारात्मक प्रतिसाद देत देवाभाऊंच्या सरकारने ती मागणी आज मान्य केली आहे. यावेळी रयत क्रांती संघटना व मित्र पक्षाचे कार्यकर्ते मोठ्या संख्येने उपस्थित राहून “ईश्वरपूर” या नव्या नावाचा उत्सव साजरा केला.
- शहरातल्या अनेक भागात सकाळच्या सुमारास पडले दाट धुके
- वातावरणातील बदलामुळे नाशिक हरवलं धुक्यात
- मागील ६ महिन्यांच्या पावसानंतर शहरातील वातावरण बदलले
- तापमानाचा पार २२ अंशांवरून थेट १८ अंशांपर्यंत घसरला
- मागील ३ दिवसांत तापमानात ४ अंशांची घट
- येत्या काही दिवसांत थंडीची तीव्रता वाढण्याची शक्यता
अकोला मुंबई राष्ट्रीय महामार्गावर मोठा अपघात झालाय.. काल रात्री उशिरा अकोल्यापासून 15 किमी अंतरावर असलेल्या व्याळा गावाजवळ हा अपघात झाला. दोन ट्रकमध्ये अपघात होऊन 2 जण गंभीर झालेये.. त्यांची प्रकृती चिंताजनक असून त्यांच्यावर अकोल्याच्या शासकीय रुग्णालयात उपचार सुरू आहे. दरम्यान, खामगावकडून अकोल्याकडे येणाऱ्या ट्रक चालकाच वाहनावरील नियंत्रण सुटल्याने थेट ट्रक डिव्हायडर तोडून अकोल्याहून खामगावकडे जाणाऱ्या ट्रकला धडकला.. स्थानिकांनी तातडीने वाहन चालक आणि क्लिनरला उपचारार्थ रुग्णालयात दाखल केलं. मात्र अपघातानंतर राष्ट्रीय महामार्ग वाहतूक काही वेळासाठी ठप्प झाली होती.
जालन्यातील अतिवृष्टी अनुदान घोटाळ्यातील सातव्या आरोपीला पोलिसांनी अटक केलीय. जालन्याच्या आर्थिक गुन्हे शाखेच्या पथकाने ही कारवाई केलीय. बाळू लिंबाजी सानप असं अटक करण्यात आलेल्या आरोपीचं नाव आहे. जालन्याच्या अंबड आणि घनसावंगी तालुक्यात अतिवृष्टी अनुदान घोटाळा करून बाळू सानप हा आरोपी फरार झाला होता. सदरील आरोपी बीड येथील त्याच्या राहत्या घरी आल्याची माहिती जालन्याच्या आर्थिक गुन्हे शाखेच्या पथकाला मिळाली होती. त्या माहितीवरून पोलीस पथकाने सदरील आरोपीस बीड येथून अटक केली. त्यानंतर त्यास जालना येथे आणून न्यायालयात हजर केले असता न्यायालयाने त्याला 9 दिवसांची पोलीस कोठडी सुनावली आहे. दरम्यान, या घोटाळा प्रकरणी आतापर्यंत एकूण 7 आरोपींना जालन्याच्या आर्थिक गुन्हे शाखेने अटक केली असून अधिक तपास सुरू आहे.
बंगालच्या उपसागरातील कमी दाबाचे क्षेत्र कमकुवत होत असून, वेस्टर्न डिस्टर्बन्समुळे थंड हवा दक्षिणेकडे सरकत आहे
राज्य मार्ग परिवहन (एसटी) महामंडळाच्या वतीने उत्पन्नाचा नवा स्रोत निर्माण करण्याच्या हेतूने पेट्रोलची किरकोळ विक्री सुरू करण्यात येणार आहे. यासाठी महामुंबईत ११, तर राज्यभरात एकूण २५० ठिकाणी व्यावसायिक तत्त्वावर पेट्रोल आणि डिझेलबरोबरच सीएनजी व इलेक्ट्रिक चार्जिंग पॉइंट असलेले रिटेल विक्री पंप सुरू करण्यासाठी निविदा प्रक्रिया सुरू केली आहे.
संभाजीनगर-इंदोर महामार्गावर मुक्ताईनगरजवळ मध्यरात्री प्रवासी ट्रॅव्हल्स बस आणि टँकर यांचा समोरासमोर भीषण अपघात झाला. आकोटहून इंदोरकडे जाणारी ही बस होती. या अपघातात एक व्यक्ती जागीच ठार झाली, तर एका गंभीरसह एकूण सात जण जखमी झाले. घटनेची माहिती मिळताच मुक्ताईनगर पोलिसांनी त्वरित घटनास्थळी धाव घेतली आणि बचावकार्य सुरू केले. सर्व जखमींना उपचारासाठी जवळच्या रुग्णालयात दाखल करण्यात आले. प्राथमिक उपचारानंतर, गंभीर जखमींना पुढील उपचारासाठी जळगाव येथे हलवण्यात आले आहे.
नागपूर जिल्ह्यातील पारशिवनी तालुक्यातील भागीमहारी तलावात दुर्दैवी घटना घडली. नागपूरचा रहिवासी अविनाश आनंद (२२) आणि चंद्रपूरचा रहिवासी संकल्प मालवे (१९) या दोन तरुणांचा बुडून मृत्यू झाला. हे दोघे आपल्या सहा मित्रांसह तलावाजवळ फिरायला गेले होते. अविनाश पोहण्यासाठी पाण्यात उतरला असता, तो गटांगळ्या खाऊ लागला. त्याला वाचवण्यासाठी त्याचा मित्र संकल्प मालवे यानेही तलावात उडी घेतली. मात्र, पाण्याचा खोलपणा आणि प्रवाहाचा अंदाज न आल्याने दोघेही बुडाले. अविनाश बी.ई. तृतीय वर्षाचा, तर संकल्प बारावीचा विद्यार्थी होता.
मनसे अध्यक्ष राज ठाकरे आज पुणे दौऱ्यावर आहेत. महाराष्ट्र नवनिर्माण सेना पक्षाची आज पार पडणार पुण्यात बैठक होणार आहे. पुण्यातील पद्धाधिकाऱ्यांसोबत राज ठाकरे साधणार संवाद आणि मार्गदर्शन करणार आहेत. स्थानिक स्वराज्य संस्थांच्या निवडणुकीच्या पार्श्वभूमीवर राज ठाकरेंची आज बैठक
अल्पवयीन आरोपींची बालसुधारगृहात रवानगी. बाजीराव रस्त्यावर घडलेल्या १७ वर्षीय तरुणाच्या खूनप्रकरणातील तीन अल्पवयीन आरोपींची बालसुधारगृहात रवानगी. मयांक सोमदत्त खरारे (वय १७) या तरुणाचा मंगळवारी दुपारी खून करण्यात आला. या प्रकरणी खडक पोलिस ठाण्यात तीन अल्पवयीन आरोपींविरुद् गुन्हा दाखल करण्यात आला होता. आरोपींना बाल न्याय मंडळासमोर हजर करण्यात आले. त्यावर बाल न्याय मंडळाने त्यांची बालसुधारगृहात रवानगी करण्याचे आदेश दिले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.