कोरोना लसींचे दोन्ही डोस पूर्ण करण्यात महाराष्ट्र ठरला अव्वल

नवी दिल्ली : कोरोना महामारी विरुद्ध सुरु असलेल्या लढाईत देशभरातील लसीकरणाच्या तुलनेत महाराष्ट्र देशभरातील लसीकरणाच्या तुलनेत अव्वल ठरला आहे. कोरोना प्रतिबंधक लसीचे दोन्ही डोस पूर्ण करणारे महाराष्ट्र हे देशातील पहिले राज्य ठरले आहे. महाराष्ट्रातील तब्बल एक कोटी नागरिकांनी कोरोना प्रतिबंधक लसीचे दोन्ही डोस घेतले आहेत.

हे देखील पहा -

देशातील एकूण ५५ कोटी ४७ लाख ३० हजार नागरिकांना लसीचा किमान एक डोस मिळाला आहे. टक्केवारीच्या स्वरुपात लोकसंख्येच्या ३२.४ टक्के लोकांना एक डोस मिळाला असून, ९.१ टक्के नागरिकांना दोन्ही डोस मिळाले आहेत. केरळ राज्यातील दीव-दमण, वायनाड, भुवनेश्वर व लडाख या चार शहरांमध्ये १०० टक्के लसीकरण झाले आहे. या चारही ठिकाणच्या सर्व नागरिकांनी लसीचा किमान एक तरी डोस घेतलेला आहे.

आरोग्य मंत्रालयाने दिलेल्या आकडेवारीनुसार आतापर्यंतच्या सर्वाधिक लसीकरणात उत्तर प्रदेश पहिल्या तर महाराष्ट्र दुसऱ्या क्रमांकावर आहे. उत्तर प्रदेशमध्ये आतापर्यंत तब्बल ५ कोटी ९८ लाख नागरिकांचे लसीकरण झाले आहे. महाराष्ट्रात ५ कोटी नागरिकांचे लसीकरण झाले आहे. मात्र, लसीकरण आणि एकूण लोकसंख्या यांचे गुणोत्तर विचारात घेतले असता उत्तर प्रदेश हे लसीकरणात सर्वांत पिछाडीवर असलेले राज्य ठरते.

कारण तेथील लोकसंख्येच्या प्रमाणात फक्त ३१ टक्के नागरिकांना कोरोना लसीचा किमान एक डोस मिळाला आहे. महाराष्ट्रासह,तमिळनाडू, पश्चिम बंगाल, बिहार, पंजाब, झारखंड ही राज्ये उत्तर प्रदेशाच्या पुढे आहेत. दोन्ही डोस घेतलेल्या नागरिकांची संख्या एक कोटींवर गेलेले महाराष्ट्र हे देशातील एकमेव राज्य आहे.