Maharashtra Infrastructure: उत्तर महाराष्ट्रासाठी खूशखबर! नव्या रेल्वे मार्गाचे कामाला सुरूवात, ४ जिल्ह्यांना होणार फायदाच फायदा

महाराष्ट्राला आणखी एक रेल्वे लाइन मिळणार आहे. जळगाव-मनमाड या महत्त्वाच्या चौथ्या लाइनसाठी भूसंपादन प्रोसेस सुरु झाली आहे. सावखेडा बुद्रुक परिसरात ही भूसंपादन प्रोसेस सुरु झाली आहे. या प्रक्रियेला गती देण्यासाठी सावखेडा परिसरात नागरिकांना नोटिसा देण्यात आला आहे.

सावखेडा बुद्रुक या परिसरात अचानक भूसंपादन प्रक्रिया सुरु झाल्याने नागरिकांमध्ये संभ्रमाचे वातावरण निर्माण झाले आहे.भूसंपादनासाठी भूमिअभिलेख विभागाकडून कार्यवाही सुरू असून, संबंधित गट क्रमांकातील नागरिकांना अधिकृत नोटिसा देण्यात आल्या आहेत.

केंद्रीय रेल्वेमंत्री अश्विनी वैष्णव यांनी 'मल्ट्री ट्रॅकिंग रेल्वे प्रकल्प योजनेंतर्गत १६० किलोमीटरची मनमाड-जळगाव चौथी लाइन आणि भुसावळ-खंडवा १३१ किलोमीटरची तिसरी व चौथ्या लाइनला मंजुरी दिली होती. या दोन्ही महत्त्वाकांक्षी योजनेला सुमारे ६ हजार कोटींच्या वर खर्च होणार आहे. भुसावळ रेल्वे विभागाचा यामुळे ३१५ किलोमीटरने विस्तार वाढणार आहे.

मनमाड- जळगावच्या चौथ्या लाइनला २ हजार ७७३ कोटी रुपयांचा खर्च होणार आहे. या प्रकल्पांमुळे महाराष्ट्र आणि मध्य प्रदेश या दोन राज्यातील नाशिक, जळगाव, बहाणपूर आणि खंडवा हे जिल्हे यामुळे जोडले जाणार आहेत. हा महाराष्ट्रातील सर्वात महत्त्वाकांक्षी प्रकल्प आहे. यामुळे प्रवाशांना खूप फायदा होणार आहे.

प्रवाशांना होणार फायदा

जळगाव मनमाड ही रेल्वे लाइन १६० किमी लांब असणार आहे. यामुळे शहर आणि प्रमुख रेल्वे स्थानकांवर गर्दी कमी होईल. याचसोबत जवाहरलाल नेहरु बंदर आणि वाढवण बंदर, मनमाड आणि नाशिकचीही कनेक्टिव्हिटी वाढणाप आहे. यामुळे कृषी आणि औद्योगिक वाहतूक सुलभ होणार आहे. यामुळे राज्याच्या आर्थिक विकासालाही पाठबळ मिळणार आहे. मनमाड, नाशिक आणि जळगावमधील कनेक्टिव्हिटी वाढणार आहे.