Maharashtra Legislative Graduate Constituency Election
Maharashtra Legislative Graduate Constituency Electionsaam tv

Graduate Constituency Election: विधान परिषदेच्या पाचही मतदारसंघांसाठी मतदानास प्रारंभ; तिन्ही पाटलांनी बजावला हक्क

येत्या दाेन फेब्रुवारीला मतमाेजणी हाेणार असून यंदाच्या निवडणुकीत काेणी बाजी मारली हे ते त्यादिवशी स्पष्ट हाेणार आहे.

Maharashtra Legislative Graduate Constituency Election : विधानपरिषदेच्या पदवीधर (Graduate Constituency Election) आणि शिक्षक मतदारसंघाच्या (Teachers Constituency Election) पाच जागांसाठी आज (साेमवार) मतदानाच्या प्रक्रियेस प्रारंभ झाला आहे. नाशिक (Nashik), अमरावती (Amravati) पदवीधर तसेच औरंगाबाद (Aurangabad), नागपूर (Nagpur) आणि काेकण (Kokan) शिक्षक मतदारसंघासाठी मतदार आपला हक्क बजावत आहेत. येत्या दाेन फेब्रुवारीला मतमाेजणी हाेणार असून यंदाच्या निवडणुकीत काेण जिंकले ते त्यादिवशी स्पष्ट हाेणार आहे.

Maharashtra Legislative Graduate Constituency Election
Nashik Vidhan Parishad: नाशिक पदवीधर निवडणुकीसाठी आज मतदान, पाच जिल्ह्यांत 338 मतदान केंद्रे तयार

भाजपचे किरण पाटील यांनी बजावला मतदानाचा हक्क

औरंगाबाद शहरात शिक्षक मतदारसंघाच्या निवडणुकीसाठी (election) मतदान सुरू आहे. औरंगाबाद शहरातील तहसील कार्यालयाच्या मतदान केंद्रावर भाजपचे उमेदवार किरण पाटील (Kiran Patil) यांनी आपला मतदानाचा हक्क बजावला. यावेळी त्यांनी माध्यमांशी बाेलताना विजयाचा विश्वास व्यक्त केला.

'मविआ' च्या शुभांगी पाटील यांनी बजावला मतदानाचा हक्क

नाशिक पदवीधर मतदार संघाच्या महाविकास आघाडी पुरस्कृत उमेदवार शुभांगी पाटील (shubhangi patil) यांनी आपला मतदानाचा हक्क धुळ्यातील महानगरपालिका शाळा क्रमांक आठ येथे बजावला. तत्तपुर्वी पाटील यांनी धुळ्यातील खानदेश कुलस्वामिनी एकवीरा देवी मातेच्या दर्शन घेत विजयाची माळ माझ्याच गळ्यात पडणार असल्याचे माध्यमांशी बाेलताना स्पष्ट केले.

नाशिक पदवीधर मतदारसंघाच्या निवडणुकीत राज्याचे आदिवासी विकास मंत्री डॉक्टर विजयकुमार गावित, खासदार हिना गावित यांनी नंदुरबार येथे मतदान केले.

Maharashtra Legislative Graduate Constituency Election
Kolhapur Crime : मुलाच्या हव्यासापोटी पत्नीला संपवलं, २ मुली झाल्याने सुरू होता छळ; पतीचा बनाव असा झाला उघड

भाजपचे डॉ. रणजित पाटील यांना विजयाची खात्री

अमरावती पदवीधर मतदारसंघातील भाजपचे उमेदवार डॉ. रणजित पाटील (Dr. Ranjit Patil) यांनी आज आपल्या मतदानाचा अधिकार बजावला. यावेळी त्यांच्या सोबत त्यांच्या पत्नी डॉ. अपर्णा पाटील या होत्या. अकोल्यातील आरडीजी महाविद्यालयात पाटील यांनी सपत्नीक मतदान केले. दरम्यान या निवडणुकीत आपलाच विजय होईल असा दावा ही त्यांनी केला.

Edited By : Siddharth Latkar

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News Saam TV
saamtv.esakal.com