Petrol-Diesel Rate Rise: आठवडाभरात पेट्रोल-डिझेलची दुसऱ्यांदा दरवाढ; शेतकरी आणि सामान्यांच्या संतापाचा उद्रेक

रोहित कदम, साम प्रतिनिधी

महाराष्ट्रात वाढत्या इंधन तुटवड्यामुळे सर्वसामान्य नागरिक चांगलाच हवालदिल झालाय. सध्या शेतीच्या मशागतीची कामं सुरू असल्यामुळे ट्रॅक्टरसाठी डिझेल मिळवताना शेतकऱी मेटाकुटीला आलाय. पेट्रोल पंपांवर लांबच लांब रांगा लागल्या आहेत. त्यात पेट्रोल आणि डिझेलची आठवडाभरात दुसऱ्यांचा दरवाढ झालीय. पेट्रोल 91 पैशांनी तर डिझेल 94 पैशांनी महागलंय. याचा मोठा फटका राज्यातील सर्वसामान्य नागरिकांसह शेतकऱ्यांनाही बसतोय. नव्या दरवाढीमुळे कुठे किती दर आहे ते पाहूयात.

पेट्रोल-डिझेलमध्ये दुसऱ्यांदा दरवाढ

शहर पेट्रोल डिझेल

परभणी 109.49 95.96

नाशिक 108.84 95.35

नागपूर 108.07 94.63

पुणे 107.89 94.39

मुंबई 107.5994.08

खरीप हंगामापूर्वी शेतीच्या मशागतीची काम सुरू आहेत. त्यामुळे मोठ्या प्रमाणावर ट्रॅक्टरचा वापर करावा लागतोय. शेतकरी ट्रॅक्टर घेऊन पेट्रोल पंपावर डिझेल भरण्यासाठी येत आहेत मात्र, गेल्या तीन दिवसांपासून डिझेल मिळत नसल्यानं शेतीचं कामं खोळंबल्याचं शेतकऱ्यांनी म्हटलंय.

इराण-अमेरिका संघर्षामुळे होर्मुझ जलमार्ग अजूनही ठप्पच आहे. त्यामुळे काही आठवडे पुरेल एवढचा व्यापारी तेलसाठा सध्या शिल्लक असल्यां आंतरराष्ट्रीय ऊर्जा संस्थेनं सांगतिलंय. त्यामुळे पुढील काळात इंधन टंचाई आणखी तीव्र होणार असल्य़ाचं दिसतंय. त्यामुळे येत्या काही दिवसांत पेट्रोल आणि डिझेलची आणखी दरवाढ होण्याची शक्यता वर्तवली जातेय. म्हणजे इंधन महाग तर होणार मात्र सध्याची परिस्थिती पाहता त्यासाठी मोठा सामान्य आणि शेतकऱ्यांना मोठा संघर्ष करावा लागण्याची शक्यता आहे.