Maharashtra Politics: ना भेट, ना नजरानजर, चर्चा मात्र गावभर; ठाकरेंकडून शिंदे दुर्लक्षितच, फडणवीसांचा मात्र ठाकरेंना नमस्कार

राज्याचं अर्थसंकल्पीय अधिवेशन सुरुए.अर्थसंकल्प मांडल्यावर विधिमंडळाचे कामकाज तहकूब झालं. त्यानंतर मुख्यमंत्री देवेंद्र फडणवीस आणि उपमुख्यमंत्री एकनाथ शिंदे, अजित पवार सभागृहातून निघाले. त्याचवेळी शिवसेना उबाठा नेते उद्धव ठाकरे सभागृहातून निघाले. या सर्व नेत्यांची भेट विधिमंडळ गॅलरीत झाली. या भेटीत नमस्कार-चमत्कार झाले. एकमेकांवर मिश्कील टोलेबाजी झाली. यावेळी मुख्यमंत्री देवेंद्र फडणवीस यांनी उद्धव ठाकरे यांना नमस्कार केला.मात्र एकनाथ शिंदेंना उद्धव ठाकरेंनी पूर्ण दुर्लक्षित केलं.

दरम्यान,उद्धव ठाकरेंनी फडणवीसांना मर्सिडिजचे भाव वाढवले नाहीत? असा खोचक प्रश्न विचारलाय.. विशेष म्हणजे फडणवीसांच्या मागे उपमुख्यमंत्री एकनाथ शिंदे देखील उपस्थित होते...मात्र उद्धव ठाकरे आणि शिंदेंनी एकमेकांशी नजरानजरही केली नाही... बंडानंतर शिंदे आणि ठाकरे पहिल्यांदाच समोरासमोर आले. यावर उद्धव ठाकरेंनी मिश्कील प्रतिक्रिया दिली.

त्यानंतर उद्धव ठाकरे आणि उपमुख्यमंत्री अजित पवार समोरासमोर आले आणि एकमेकांन नमस्कार केला. यावेळी ठाकरेंना दादांना हा तुमचा अर्थसंकल्प नाही, असा टोला लगावला. त्यावर अजित पवार जोरदार हसले आणि पुढे निघाले...त्यामुळे अर्थसंकल्पातील घोषणांपेक्षा नंतरच्या भेटीगाठींचीच खमंग चर्चा राजकीय वर्तुळात रंगलीये.