Saam Exit Poll: आर्णीमध्ये जितेंद्र मोघे होणार आमदार? पाहा Exit Poll

विधानसभा निवडणुकीसाठी मतदान झाले असून आता कोण जिंकणार याकडे सर्वांचेच लक्ष लागले आहे. मतदानानंतर आता एक्झिट पोल जाहीर झाले आहेत. सकाळच्या एक्झिट पोलनुसार, आर्णी विधानसभेतून जितेंद्र मोघे विजयी होणार असल्याचे दिसत आहे. आर्णीमध्ये भाजपला मोठा धक्का बसण्याची शक्यता आहे.

आर्णीमध्ये काँग्रेस विरुद्ध भाजप अशी लढत रंगली आहे. भाजपचे जितेंद्र मोघे विरुद्ध काँग्रेसचे राजू तोडसाम अशी लढत रंगली आहे. आर्णी या मतदारसंघातून काँग्रेसचा विजय होणार असल्याचे चित्र समोर आले आहे.

आदिवसी बहुल असलेल्या या मतदारसंघात सुरुवातीपासूनच काँग्रेसचे पारडं जड असल्याचे मानले जात आहे. लोकसभेमध्येदेखील काँग्रेसला या मतदारसंघात चांगली लीड होती. या मतदारसंघात कापूस आणि सोयबीन पिक घेणारा शेतकरी वर्ग आहे. सोयाबीन आणि कापूस पिकाला भाव न मिळाल्याने शेतकऱ्यांमध्ये नाराजी होती. त्यामुळे काँग्रेसला फायदा होण्याची शक्यता वर्तवली जात आहे.