Mahad: अपघातात तीन ठार, अपघाताचे दृष्य CCTV मध्ये कैद; पाहा Video

राजेश भोस्तेकर

रायगड: महाड तालुक्यातील (Mahad Taluka) बिरवाडी ढालकाठी मार्गावर दुचाकीचा अपघात (Birbadi Accident) होऊन त्यात तीन मुलांचा मृत्यु झाला. शनिवारी २ ऑक्टोबर रोजी सायंकाळी पाच वाजण्याच्या सुमारास ढालकाठी पुलानजिक हा अपघात झाला. शुभम रमाकांत झांजे वय १५, रा. आकले, हा जागीच विशाल यादव वय १६ आणि आदित्य घाडगे वय १६ असे मयत मुलाची नावे आहेत. हे तीघे एकाच दुचाकीवरुन जात असताना ढालकाठी पुलानजिक दुचाकी घसरली आणि अपघात झाला.

या अपघातात शुभम झांजे याचा डोक्याला मार लागल्याने त्याचा जागीच मृत्यु झाला आहे. तर विशाल याच्यावर महाड रुग्णालयात उपचार सुरू असताना रात्री मृत्यू झाला आणि आदित्य याला मुंबईत उपचारासाठी नेत असताना मृत्यू झाला. या अपघाताची नोंद MIDC पोलीस ठाण्यात करण्यात आली आहे. मात्र तीन शाळकरी मुलाच्या मृत्यूने सर्वत्र हळहळ व्यक्त केली जात आहे. तर अल्पवयीन मुलांच्या बेदरकार वाहन चालविण्याने अपघाताचे प्रमाण वाढत असल्याचे दिसत आहे. यावर पालकांनीच काळजी घेणे गरजेचे आहे.

Edited By: Pravin Dhamale