अखेर गोंदिया जिल्ह्यावर वरुण राजा खुश, रात्रीपासून पावसाची रिपरिप सुरू

गोंदिया - अखेर गोंदिया जिल्हावर वरुण राजा खुश झाला असून रात्रीपासून जिल्ह्यात सर्वदूर पावसाची रिपरिप सुरूच आहे. त्यामुळेच की घरात कोनाड्यात ठेवलेल्या छत्र्या आणि रेनकोट बाहेर निघाले आहेत. गोंदिया जिल्हात रात्रीपासून पावसाची रिपरिप सुरू असल्याने ह्या पावसामुळे शेतकरी वर्गात आनंदाचे वातावरण निर्माण होत आहे. जिल्हात रोवणीला जोमात सुरवात झाली आहे. असे असले तरी जिल्हात केवळ 39% पाऊस पडला आहे. (light rain started in gondia)

हे देखील पहा -

मात्र आजही गोंदिया जिल्हातील नदी, नाले, तलावात पाणीसाठा हव्या त्या प्रमाणात उपलब्धता नाही. इतकेच की काय जिल्ह्यात पडलेल्या ह्या पावसामुळे जिल्हातील धरणे आजही 50 टक्के भरली नाहीत. त्यामुळे ह्या पावसाने थोड्याफार प्रमाणात का होईना जिल्ह्यातील शेतकऱ्यांना दिलासा मिळणार असून अजून दमदार पावसाची अपेक्षा कायम आहे.

Edited By - Akshay Baisane