लातूरमध्ये ३० वर्षीय तरुणाने गळफास घेऊन आत्महत्या केल्याची धक्कादायक घटना घडली. लातूरच्या संविधान चौकात ही घटना घडली. लातूरमध्ये दोन वाहन चालकांमध्ये किरकोळ वाद झाला. या वादादरम्यान दोघांनी एकमेकांना मारहाण केली. यावेळी पाकिस्तानी आहे का? असं हिणवलं म्हणून तरुणाने टोकाचे पाऊल उचलंत आत्महत्या केली. या घटनेमुळे लातूरमध्ये खळबळ उडाली आहे.
मिळालेल्या माहितीनुसार, लातूर शहरातल्या संविधान चौकात दोन वाहन चालकांमध्ये किरकोळ कारणावरून वाद झाला. मारहाण करणाऱ्या व्यक्तीने ३० वर्षीय तरुणाला तू पाकिस्तानी आहेस का? म्हणून मारहाण केली. तसेच व्हिडिओ करून सोशल मीडियावर व्हायरल करण्याची धमकी दिली. त्यामुळे या तरुणाने डिप्रेशनमध्ये जाऊन गळफास घेऊन आत्महत्या केली. या तरुणाच्या पत्नीने हा आरोप केला आहे.
तरुणाच्या आत्महत्येमुळे लातूरमध्ये खळबळ उडाली आहे. याप्रकरणी लातूरच्या एमआयडीसी पोलीस ठाण्यात पत्नीच्या तक्रारीवरून आरोपीविरोधात गुन्हा दाखल करण्यात आला आहे. तर काँग्रेसच्या वतीने देखील पोलीस अधीक्षकांना निवेदन देत आरोपीला तात्काळ अटक करण्याची मागणी करण्यात आली आहे. या प्रकरणाचा तपास सध्या लातूर पोलीस करत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.