सुशिल थोरात
Ahmednagar News: अहमदनगर येथून अपघाताची एक मोठी बातमी समोर आली आहे. पहाटेच्या सुमारास मॉर्निंग वॉक करताना एका अज्ञात वाहनाने युवकांना चिरडलं आहे. या भीषण अपघातात दोन तरुणांचा जागीच मृत्यू झालाय. (Latest Crime News)
मिळालेल्या माहितीनुसार, कर्जत राशीन रोडवर ही घटना घडलीये. वाहनाच्या धडके दोन युवकांचा मृत्यू झालाय तर एक जण गंभीर जखमी आहे. पोलिसांना या घटनेची माहिती मिळताच त्यांनी घटनास्थळी धाव घेतली. तसेच जखमी युवकाला तात्काळ रुग्णालयात दाखल करण्यात आले.
कर्जत तालुक्यातील बेलवाडी येथील तरुण ओमप्रकाश धुमाळ आणि संकेत गदादे अशी मृत तरुणांची नावे आहेत. तर केदार गदादे असं गंभीर जखमी तरुणाचं नाव आहे. केदारवर कर्जतच्या खाजगी रुग्णालयात उपचार सुरू आहेत.
या घटनेनंतर बेनवडी गावातील ग्रामस्थ आक्रमक झालेत. आक्रमक ग्रामस्थांनी कर्जत राशीन रोडवर रास्ता रोको देखील केला होता. अज्ञात वाहनाच्या धडकेत झालेल्या मुलांच्या मृत्यूस कारणीभूत असलेल्या वाहन चालकावर लवकरात लवकर कारवाई करावी अशी मागणी ग्रामस्थांनी केली आहे. तसेच रस्त्यावर गतिरोधक बसवण्याची मागणी करण्यात आली आहे.
भरतीमध्ये उतरण्यासाठी आणि आपले शरीर सुदृढ रहावे यासाठी गावातील काही तरुण मंडळी रोज या ठिकाणी व्यायामासाठी येत होते. नेहमीप्रमाणे आज देखील तरुणांचा एक ग्रूप येथे आला होता. मात्र आज नियतीच्या मनात काही वेगळंच होतं. व्यायाम करत असतानाच एक अज्ञात वाहन त्याच्या दिशेने वेगात आले. दोघांनाही काही कळणार तोच या वाहनाने त्यांना चिरडले. दुर्दैवी घटनेनं परिसरात शोककळा पसरली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.