Ladki Bahin Yojana: लाडकी बहीण योजनेबाबत एकनाथ शिंदेंची मोठी घोषणा; म्हणाले, २१०० रुपये...

काल विधानसभेत लाडकी बहीण योजनेच्या मुद्द्यावरुन चर्चा झाली. यावेळी विरोधी पक्षनेत्यांनी २१०० रुपये कधी मिळणार असा प्रश्न विचारला होता. त्यावर उपमुख्यमंत्री एकनाथ शिंदेंनी महत्त्वाचं वक्तव्य केलं होतं.योग्य वेळ आल्यावर २१०० रुपये देऊ, असं त्यांनी म्हटलं होतं. त्यानंतर आज पुन्हा पत्रकार परिषदेत त्यांनी लाडकी बहीण योजनेबाबत माहिती दिली आहे.

लाडक्या बहि‍णींच्या २१०० रुपयांबाबत एकनाथ शिंदे काय म्हणाले? (Eknath Shinde on Ladki Bahin Yojana 2100 Rupees)

पत्रकार परिषदेत एकनाथ शिंदेंना विचारण्यात आले की, विरोधकांना २१०० रुपये कधी मिळणार असा प्रश्न विचारला होता. त्यावर ते म्हणाले की,लाडक्या बहि‍णींनी त्यांना घरी बसवलेलं आहे. विधानसभेच्या निवडणुकीपूर्वी लाडकी बहीण योजना सुरु केली ती कधीही बंद होणार नाही. जे आम्ही बोललोय ते आम्ही लवकरच करु. २१०० रुपयांचा निर्णय लवकरच घेऊ.

लाडकी बहीण योजना आम्ही सुरु करत होतो तेव्हा हेच लोक कोर्टात गेले होते. परंतु आम्ही लाडकी बहीण योजना सुरु करण्याचा निर्णय आम्ही घेतला. त्याची अंबलबजावणीदेखील केली. ही योजना सुरु राहणार. आम्ही जे बोललो आहोत त्या २१०० रुपयांची पूर्तता योग्यवेळी पूर्ण करणार आहोत, असं त्यांनी सांगितलं.

लाडक्या बहि‍णींना नोव्हेंबर- डिसेंबरचा हप्ता कधी? (Ladki Bahin Yojana November-December Installment)

लाडकी बहीण योजनेत लाभार्थ्यांना नोव्हेंबर आणि डिसेंबरचा हप्ता एकत्र येणार असल्याचे बोलले जात आहे. अजूनही नोव्हेंबरचा हप्ता दिलेला नाही, त्यामुळे महिलांच्या मनात अनेक प्रश्न निर्माण झाले आहेत. दरम्यान, आता निवडणूकीपूर्वी लाडकी बहीण योजनेचा हप्ता मिळू शकतो, असं सांगण्यात येत आहे. याबाबत अधिकृत घोषणा लवकरच केली जाईल.