Ladki Bahin Yojana: लाडकी बहीण योजनेबाबत महत्त्वाची अपडेट! १ कोटी महिलांना मिळणार नाही ₹१५००? कारण आलं समोर

लाडकी बहीण योजनेबाबत महत्त्वाची माहिती समोर आली आहे. लाडकी बहीण योजनेतील सर्व लाभार्थ्यांना केवायसी करणे अनिवार्य केले आहे. दरम्यान, आतापर्यंत जवळपास १ कोटी १० लाख महिलांचे केवायसी बाकी आहे. केवायसी करण्यासाठी उद्याची शेवटची तारीख आहे. त्यामुळे जर तुम्ही केवायसी केली नाही तर तुम्हाला योजनेचा लाभ मिळणार नाहीये. दरम्यान, अजून १ कोटी महिलांचे केवायसी बाकी आहे त्यामुळे त्यांचा लाभ बंद होणार का अशी भीती लाभार्थी महिलांच्या मनात निर्माण झाली आहे.

महिलांना आर्थिकदृष्ट्या सक्षम करण्यासाठी लाडकी बहीण योजना सुरु करण्यात आली होती. या योजनेला दीड वर्ष पूर्ण झाले आहे. सुमारे अडीच कोटी महिलांना दर महिन्याला १५०० रुपये दिले जातात. या योजनेच्या सर्व लाभार्थ्यांना केवायसी करणे अनिवार्य केले आहे. केवायसी करण्यासाठी १८ नोव्हेंबर ही शेवटची तारीख आहे. त्यामुळे केवायसी करुन घेण्याचे आवाहन सरकारने केले आहे.

केवायसीसाठी मुदतवाढ देणार का? (Ladki Bahin Yojana kyc deadline extension)

आता केवायसी पूर्ण करण्यासाठी शेवटचे काही तास उरले आहे. यामध्ये १ कोटी महिलांचे केवायसी होणे अशक्य आहे. त्यामुळे मुदतवाढ देण्याची मागणी केली जात आहे. दरम्यान, आता याबाबत काय निर्णय होणार हे पाहणे गरजेचे आहे.

लाडकी बहीण योजनेत दर दिवशी ५ लाख महिलांची केवयासी

लाडकी बहीण योजनेत दररोज लाख महिलांची केवायसी होत असल्याची माहिती स्वतः मंत्री आदिती तटकरेंनी दिली होती. त्यानंतर आतापर्यंत १ कोटींपेक्षा जास्त महिलांचे केवायसी पूर्ण झाले आहेत. त्यानंतर अजूनही कोट्यवधी महिलांचे केवायसी बाकी आहेत. त्यामुळे जर या महिलांनी केवायसी केले नाही तर त्यांना योजनेचा लाभ मिळणार नाही.