कोल्हापूर : बारावीत शिकणाऱ्या एका विद्यार्थिनीने आत्महत्या केल्याची धक्कादायक घटना कोल्हापुरात घडली आहे. पेपर अवघड गेल्याने तिने हे टोकचं पाऊल उचललं असल्याची माहिती समोर येत आहे. मोरेवाडी कोरेनगर इथे ही विद्यार्थिनी राहत होती.
लीया रुकडीकर असं विद्यार्थीनीचं नाव आहे. लीया परीक्षेच्या तणावाखाली असल्याचं तिच्या कुटुंबियांच्याही लक्षात आलं होतं. तिच्या वडिलांनी तिची समजूत काढण्याचा देखील प्रयत्न केला होता. मात्र आज दुपारी राहत्या घरी तिने आत्महत्या करत जीवनं संपवलंय. (Latest News)
मिळालेल्या माहितीनुसार, आज दुपारी वडिलांनी तिला फोन केला होता तेव्हा तिने आपल्याला बरं वाटत नसल्याचं सांगितलं होतं. आई शिक्षिका असल्याने त्या देखील शाळेत गेल्या होत्या. आजीसोबत लीया घरी एकटीच होती.
काही वेळानंतर वडील घरी आले असता त्यांनी लीयाला आवाज दिला. मात्र तिच्या रुममधून कोणताही प्रतिसाद न आल्याने त्यांनी कसाबसा रुमचा दरवाजा उघडला. त्यानंतर सगळा प्रकार उघडकीस आला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.