
रणजीत माजगावकार
Kolhapur News : कोल्हापूर शहरातील नागरी समस्यांकडे आम आदमी पक्षाच्या वतीने वेगवेगळ्या पद्धतीने आवाज उठवला जातो.प्रशासनाच लक्ष वेधण्यासाठी आपचा हा प्रयत्न असतो. महापालिकेच्या शाळांच्या दुरावस्थेबद्दलही आपने हटके आंदोलन करत लक्ष वेधलं.
महापालिकेच्या शाळांच्या दुरावस्थेकडे महापालिकेनं दुर्लक्ष केल्याच्या निषेधार्थ आपच्या वतीने पश्चिम महाराष्ट्र अध्यक्ष संदीप देसाई यांच्या नेतृत्वाखाली लक्षवेधी आंदोलन करण्यात आलं. कोल्हापूर शहरातील शाळांच्या दुरावस्थेचा अहवाल वाजत गाजत पालखीमधून महापालिकेला सादर करण्यात आला.
यावेळी शाळांचा दर्जा सुधारण्याची मागणी आम आदमी पार्टीच्या वतीने करण्यात आली. कोल्हापूर महापालिकेच्या शाळांची दर्जा सुधारावा यासाठी शाळांमधील भौतिक सुविधांचे ऑडिट करावे, अशी मागणी आम आदमी पार्टीच्या वतीने सातत्याने करण्यात येत आहे. (Maharashtra Politics)
परंतु यावर महापालिका प्रशासनाने कोणतीही कार्यवाही न केल्यामुळे अखेर आपच्या कार्यकर्त्यांनी महापालिकेच्या सर्व शाळांमध्ये जात भौतिक सुविधांचा सर्व्हे केला. दरम्यान या सर्व्हेचा अहवाल आज आपने चक्क पालखीतून महापालिकेवर वाजत गाजत सादर केला आहे. (Latest Marathi News)
आपच्या कार्यकर्त्यांनी अहवालाची प्रत पालखीमध्ये सजवून हलगीच्या ठेक्यावर शिवाजी चौकातून पायी जात महापालिका अधिकाऱ्यांना दिली. त्यामुळे या अनोख्या आंदोलनाची चर्चा संपूर्ण शहरात चांगलीच रंगली होती.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.