Accident : कोल्हापूर अँटीकरप्शन DYSP च्या कारचा भीषण अपघात, २ जणांचा मृत्यू, ३ जखमी

Kolhapur ACB DYSP Vaishnavi Patil car accident today : कोल्हापूर अँटीकरप्शन DYSP वैष्णवी पाटील यांच्या कारचा आज सकाळी भीषण अपघात झाल्याची माहिती समोर आली आहे. या अपघातामध्ये दोन जणांचा मृत्यू झाला आहे, तर ३ जण गंभीर जखमी आहेत. जखमींवर जवळच्या रूग्णालयात उपचार सुरू आहेत. बंगळुरूहून कोल्हापूरला येत असताना DYSP वैष्णवी पाटील यांच्या कारचा अपघात झाल्याची प्राथमिक माहिती समोर आली आहे. वैष्णवी पाटील यांच्यासोबत असणाऱ्या दोन जणांचा जागेवरच मृत्यू झाला आहे.

स्थानिक मिडिया रिपोर्ट्सनुसार, DYSP वैष्णवी पाटील या बंगळुरूला गेल्या होत्या. आपले काम झाल्यानंतर घराकडे परत येत असताना कर्नाटकमधील चित्रदुर्गजवळ त्यांच्या कारचा भीषण अपघात झाला. अपघातात वैष्णवी पाटील यांच्यासोबत असणाऱ्या दोन जणांचा जागीच मृत्यू झाला आहे. DYSP वैष्णवी पाटील यांच्यासह तीन जण या अपघतात गंभीर जखमी झाले आहेत. त्यांची प्रकृती चिंताजनक असल्याचे सांगण्यात येत आहे.

बंगळुरूहून वैष्णवी पाटील कोल्हापूरकडे निघाल्या होत्या. पहाटे चित्रदुर्गजवळ त्यांच्या कारचा भयंकर अपघात झाला. इनोव्हा गाडी लॉरीला जाऊन जोरात धडकली. अपघातात दोघा जणांचा मृत्यू झाला आहे. अपघातानंतर महामार्गावर वाहतूककोंडी झाली होती. अपघाताची माहिती मिळताच पोलिसांनी तात्काळ घटनास्थळाकडे धाव घेतली. जखमींना तातडीने रूग्णालयात उपचारासाठी दाखल कऱण्यात आले. मृतदेह ताब्यात घेतले असून पोस्टमार्टमसाठी पाठवण्यात आले आहेत. जखमी DYSP वैष्णवी पाटील यांच्यावर चित्रदुर्ग मधील जिल्हा रुग्णालयात उपचार सुरू आहेत.