Kalyan News: ब्रिजभूषण सिंह यांच्या निषेधार्थ युवक काँग्रेसचा ठिय्या

अभिजित देशमुख

कल्याण : भाजप खासदार व कुस्ती महासंघाचे अध्यक्ष ब्रिजभूषण सिंह यांच्यावर महिला कुस्तीपटूंनी लैंगिक छळाचे आरोप केले आहेत. याबाबत काँग्रेसने (Congress) आक्रमक पवित्रा घेतला. यात (Kalyan) कल्याण येथे युवक कॉंग्रेसच्‍यावतीने आज ठिय्या आंदोलन करण्यात आले. (Tajya Batmya)

ब्रिजभूषण सिंह यांच्या विरोधात आज युवक काँग्रेसने कल्याण छत्रपती शिवाजी चौक येथे ठिय्या आंदोलन केले. या आंदोलनात काँग्रेस कार्यकर्त्यांनी काळ्या फिती बांधून भाजप सरकार विरोधात घोषणा करत निषेध नोंदवला. ब्रिजभूषण सिंह यांच्यावर गुन्हा दाखल होऊन चार ते पाच महिने झाले आहेत. तरी देखील कारवाई नाही. या विरोधात कॉंग्रेस आक्रमक झाले आहे.

राजीनामा घेण्याची मागणी

खासदार सिंह यांच्‍यावर अद्याप कारवाई केली नसल्याने ब्रिजभूषण सिंह यांना अटक करून तात्काळ त्यांचा राजीनामा घेण्याची मागणी कल्याण युवक काँग्रेसच्यावतीने करण्यात आली आहे.