Kalyan Heavy Rain: अवघ्या अर्ध्या तासात कल्याणातील रस्ते जलमय; रेल्वे लाईनवरही पाणी

अभिजित देशमुख 

कल्याण : कल्याणमध्ये आज दुपारच्यावेळी जोरदार पावसाने (Rain) हजेरी लावली. अवघ्या अर्ध्या तासाच्या मुसळधार पावसाने (Kalyan) कल्याण शहरातील छत्रपती शिवाजी महाराज चौकातील मुख्य रस्ता हा जलमय झाला. शिवाय रेल्वे लाईनवर देखील पाणी साचू लागले होते. (Live Marathi News)

कल्याणमधील छत्रपती शिवाजी महाराज चौकातील रस्त्यावर अवघ्या काही मिनिटातच मोठ्या प्रमाणात पाणी साचले. रस्त्या शेजारी असलेल्या नाल्यांमधून पाण्याचा निचरा होत नसल्याने सर्व पाणी रस्त्यावर आले. तर कल्याण पूर्वेतील कचोरे येथील भागात देखील पाणी साचल्याने वाहतुकीचा खोळंबा झाला होता. सध्या संपूर्ण (Heavy Rain) शहरांमध्ये सोसाट्याचा वारा आणि विजांच्या कडकडाटांचं जोरदार पाऊस सुरू आहे. 

रुळावर पाणी 

दरम्यान सकाळपासून काहीसी पावसाने उघडीप दिली होती. मात्र सायंकाळी अचानक पाऊस आल्याने सगळ्यांची तारांबळ उडाली. तासभराच्या पावसामुळे कल्याण रेल्वेस्थानकाच्या रुळावर काही प्रमाणात पाणी साचण्यास सुरुवात झाली होती. पावसाचा जोर कमी झाल्याने पाणी ओसरले त्यामुळे रेल्वे वाहतुकीवर कोणताही परिणाम झाला नाही.