Kalyan Bribe Case : परवाना मंजूरीसाठी मेडिकल दुकानदाराकडे मागितले एक लाख; औषध निरीक्षकासह साथीदार ताब्यात

Kalyan News : तक्रारदाराला नवीन मेडिकल सुरू करायचे होते. या मेडिकल दुकानाचा परवाना मंजूर करण्यासाठी त्यांनी ठाणे अन्न औषध प्रशासन विभागाकडे परवानगी मागितली
Kalyan Bribe Case
Kalyan Bribe CaseSaam tv

अभिजित देशमुख 
कल्याण
: मेडिकल दुकानाचा परवाना मंजूर करण्यासाठी तब्बल एक लाखाची लाच मागणी केली. या लाच मागणाऱ्या अन्न व औषध प्रशासन ठाणे विभागाच्या औषध निरीक्षकासह त्याच्या साथीदाराला नवी मुंबईच्या लाच लुचपत प्रतिबंधक विभागाने सापळा रचत बेड्या ठोकल्या. संदीप नरवणे असे या ठाणे एफडीएच्या औषध निरीक्षकाचे नाव आहे. तर सुनील चौधरी असे या खाजगी व्यक्तीचे नाव आहे.  

Kalyan Bribe Case
Kalyan water Scarcity : पाण्यासाठी केडीएमसीच्या प्रभाग कार्यालयावर शिवसेनेचा हंडा मोर्चा

तक्रारदाराला नवीन मेडिकल सुरू करायचे होते. या मेडिकल दुकानाचा परवाना मंजूर करण्यासाठी त्यांनी ठाणे अन्न औषध प्रशासन विभागाकडे परवानगी मागितली. या विभागात काम करणारे औषध निरीक्षक संदीप नरवणे यांनी तक्रारदाराकडे परवाना मंजूर करण्याकरता शासकीय फी व्यतिरिक्त एक लाख रुपये लाचेची (Bribe) मागणी केली. त्यानुसार नरवणे याचा साथीदार सुनील चौधरी याच्यामार्फत झालेल्या तडजोडीअंती ७० हजार रुपये देण्याचे निश्चित झाले. दरम्यान तक्रारदाराने याबाबत नवी मुंबई लाच लुचपत प्रतिबंधक विभागाला (ACB) तक्रार केली.

Kalyan Bribe Case
Amravati Dengue News : अमरावती जिल्ह्यात डेंग्यूचे ७२ तर चिकनगुणीयाचे ३२ रुग्ण; जिल्हा रुग्णालयात खाटा पडतंय अपूर्ण

तक्रारीनुसार अँटी करप्शनच्या पथकाने (Kalyan) कल्याणमधील डी मार्ट समोर सापळा रचला. याच दरम्यान ८ जुलैला संदीप नरवणे व त्याचा साथीदार सुनील चौधरी हे दोघे पैसे स्वीकारण्यासाठी आले. तक्रारदार यांच्याकडून संदीप नरवणे याने ७० हजार रुपयांची लाच स्वीकारताना त्याला रंगेहात अटक करण्यात आली. याप्रकरणी महात्मा फुले पोलीस ठाण्यात गुन्हा नोंदवण्यात आला असून अधिक तपस सुरु आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com