Kalyan News: २४ तासात ११ मोबाईल चोरी; काही तासातच सात सराईत चोरटे गजाआड

२४ तासात ११ मोबाईल चोरी; काही तासातच सात सराईत चोरटे गजाआड
Kalyan News
Kalyan NewsSaam tv

अभिजीत देशमुख

कल्याण : कल्याण आणि आसपासच्या रेल्वे स्थानकात प्रवाशांच्या मोबाईल चोरीच्या घटनांमध्ये वाढ झाली आहे. धक्कादायक म्‍हणजे गेल्या २४ तासात (Kalyan) कल्याण व शहाड रेल्वे स्थानकावर एकूण अकरा मोबाईल चोरी झाल्याच्या घटना घडल्या होत्या. या पार्शवभूमीवर कल्याण रेल्वे पोलिसांनी (Railway Police) चांगली कामगिरी करत अवघ्या काही तासातच सात आरोपींना बेड्या ठोकत मोबाईल हस्तगत केले. (Latest Marathi News)

Kalyan News
Dhule Crime News: महिलेवर मेहुण्याचा चाकूहल्ला; भीतीतून गळफास घेत आत्महत्या

गेल्या काही दिवसांपासून कल्याण शहाड उल्हासनगर आसपासच्या रेल्वे स्थानकांमध्ये मोबाईल चोरीच्या घटना वाढल्या होत्या. चोरटे गर्दीचा फायदा घेत प्रवाशांचा मोबाईल चोरत होते. कालचा दिवसभरामध्ये कल्याण रेल्वे स्थानकातून दहा प्रवाशांचे मोबाईल तर शहाड येथून एक मोबाईल चोरीला गेल्याची घटना घडली होती. या चोरट्यांचा शोध घेण्यासाठी कल्याण रेल्वे पोलीस ठाण्याचे वरिष्ठ पोलीस निरीक्षक मुकेश ढगे यांच्या मार्गदर्शनाखाली पोलीस अधिकारी प्रमोद देशमुख यांचे एक पथक नेमण्यात आले.

Kalyan News
Nandurbar Accident News: चांदशैली घाटात पिकअप दरीत कोसळली; अपघातात ३ जणांचा जागीच मृत्यू

११ चोरटे ताब्‍यात

दिवसभरातील रेल्वे स्टेशनवरील (CCTV) सीसीटीव्ही तपासात खबऱ्यांकडून माहिती घेत अवघ्या काही तासात कल्याण रेल्वे पोलिसांनी तब्बल सात आरोपींना अटक केली. त्यांच्याकडून अकरा मोबाईल हस्तगत केले. अहमद शेख, विशाल काकडे, मोहम्मद हसन अन्सारी, सरजील अन्सारी, सचिन गवळी, मंगलअली शेख, संदीप भाटकर अशी या चोरट्यांची नावे आहेत. हे सातही आरोपी सराईत चोरटे असून त्यांच्या विरोधात या आधी देखील विविध पोलीस ठाण्यात गुन्हे दाखल आहेत. याप्रकरणी कल्याण रेल्वे पोलीस पुढील तपास करत आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com