Vitthal Rukmini Temple: विठ्ठल रुक्मिणी मंदिर समितीवरून जनहित शेतकरी संघटना आक्रमक, पालकमंत्र्यांना जिल्हाबंदी करण्याचा इशारा

Vitthal Rukmini Temple

विठ्ठल रुक्मिणी मंदिर समिती बरखास्त करण्याची जनहित शेतकरी संघटनेचे प्रभाकर देशमुख यांनी केली आहे. मंदिर समितीची मुदत संपल्यानंतरही मंदिर समितीचे सदस्य कार्यरत आहेत. राज्य सरकारने महानगरपालिका आणि जिल्हा परिषद मुदत संपल्याने बरखास्त केल्या त्याप्रमाणे त्वरित सदस्य मंडळ बरखास्त करावे असे त्यांनी म्हटलं आहे. त्यामुळे सरकार काय निर्णय घेणार याकडे संपूर्ण राज्याचं लक्ष लागलं आहे.

समिती बरखास्त करण्याच्या मागणीसाठी पंढरपुरात 8 दिवसांपासून बेमुदत धरणे आंदोलन सुरू आहे. विठ्ठल रुक्मिणी मंदिरामध्ये मोठ्या प्रमाणात भ्रष्टाचार सुरू असून विठ्ठल आणि रुक्मिणीचे 19 किलो वितळलेल्या सोन्याचे काय केलं याची चौकशी झाली पाहिजे. तसेच मंदिराचे 1985 ते 2023 पर्यंतचे ऑडिट करावे, अशी मुख्यमंत्री आणि दोन्ही उपमुख्यमंत्री यांच्याकडे केली आहे. मात्र मागणीची दखल घेतली नाही तर जनहित शेतकरी संघटनेकडून पालकमंत्र्यांना जिल्हाबंदी घालण्याचा इशारा देण्यात आला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)