Jalna: आई करत होती शेतीकाम; झोक्यात झोपलेल्या दीड वर्षीय मुलीचे अपहरण

जालना : झोक्यात झोपलेल्या एका दीड वर्षाच्या मुलीचे अपहरण करण्यात आल्याची घटना जालन्यातील (Jalna) निधोणा गावच्या शिवारात घडली. श्रावणी डकले असं अपहरण (Kidnapping) करण्यात आलेल्या दीड वर्षाच्या चिमुकलीचं नाव आहे. (Jalna News Girl Kidnapping)

सिल्लोड तालुक्यातील गव्हाणी गावातील डकले कुटुंब शेतीकाम करण्यासाठी निधोणा गावात आलेले आहेत. आज सकाळी दीड वर्षाची चिमुकली झोक्यात झोपलेली होती. याच वेळी तिची आई शेतीकाम करत असताना हे अपहरण (Crime) नाट्य घडले. या घटनेची माहिती मिळाल्यानंतर उपविभागीय पोलीस अधिकाऱ्यांसह पोलिसांनी (Police) घटनास्थळी धाव घेतली असून पोलीस अधिक तपास करत आहेत.

अपहरण की घातपात

नेमकं हे अपहरण की घातपात याचा पोलीस कसून तपास करत आहेत. पोलीस घटनास्थळी पोहचल्यानंतर काही वेळेतच घटनास्थळी श्वान पथकाला देखील पाचारण करण्यात आले होते. परंतु या श्वानांना माग घेता आला नाही. त्यामुळे या प्रकरणात खरंच अपहरण झाले आहे? की आणखी काही घातपात आहे. याचा पोलीस कसून तपास करत आहेत.