Kharip Hangam : कृषी केंद्राची तपासणी मोहीम; बोगस बियाणं, वाढीव दराने विक्री करणाऱ्यांवर होणार कारवाई

रामू ढाकणे 

जालना : यंदा खरीप हंगामात शेतकऱ्यांना बोगस बियाणे, खत तसेच शेतीसाठी आवश्यक औषधीची वाढीव दराने विक्री होऊ नये; म्हणून जिल्हा कृषी विभागात सज्ज झाला आहे. यासाठी पथके नेमण्यात आली असून कृषी सेवा केंद्राची तपासणी मोहीम आता हाती घेण्यात आली आहे. 

खरीप हंगाम (Kharip Hangam) अगदी तोंडावर आहे. यामुळे बियाणे विक्रीला सुरवात झाली आहे. या दरम्यान काही विक्रेते बोगस बियाणे विक्री करत असतात. तर काही जण वाढीव दराने बियाणांची विक्री करतात. या दृष्टीने कृषी विभागाकडून (Agriculture Department) तपासणी मोहीम सुरु करण्यात आली आहे. कुणीही वाढीव दराने बियाणे खत विक्री केल्यास त्या दुकानदारावर सक्त कारवाई करणार असल्याचे कृषी अधिकाऱ्यांनी सांगितले. 

अंबड तालुक्यातील अंकुशनगर, वडीगोद्री आणि शहागड येथील कृषी सेवा केंद्राच्या तपासणी मोहिमेला सुरुवात झाली असून पूर्ण जिल्ह्यात ही मोहीम राबवली जाणार आहे. दरम्यान यंदा खरीप हंगाम अगदी १० ते १२ दिवसावर येऊन ठेपल्याने दुकानदार बी बियाणांची, खते आणि औषधांची खरेदी सुरू करून स्टॉक करतात. नंतर वाढीव दराने (farmer) शेतकऱ्यांना विकतात. मात्र याला लगाम लावण्यासाठी कृषी विभाग आता चांगलाच ॲक्शन मोडवर आला आहे.